رئيس الحزب

ورئيس مجلس الإدارة

بهاء الدين أبو شقة

رئيس التحرير

وجدي زين الدين

شواكيش

إخوان صد - رد

محمد زكي

الثلاثاء, 11 يونيو 2013 00:05
بقلم - محمـــد زكى

< الشعب يريد انتخابات رئاسية مبكرة
- علشان «مطلوب رئيس»!!
< إزاى تعرف إن الرئيس مرسى بيحكم مصر؟
- لما تسمعه يقووول: أنا رئيس جاااى بالصندوق!!
< فى زمن الإخوان مصر على «القائمة السوداء»

- أسوووود من كده!!
< تفتكر القرد لما يموت القرداتى هيشتغل إيه؟
- طبعاً هيشتغل «حاوى» فى السيرك الإخوانى!!
< أنا شايف سبعة تمانية فى «الحارة المزنوقة»
- سلامة نظرك.. دى «زنقة الإخوان»!!
< أنا عارف أن الصوابع اللى بتلعب ورايا
- فكرتنى بصوابع «حماس وحلاوة»!!
< أنا عارف مين بيقول إيه إزاى علشان إيه؟!
- بيقول إمشى.. يعنى ارحل وغور!!
< الرئيس يطبق مبدأ «السمع والطاعة»
- لأ.. دا بيطبق مبدأ «أبو سماعين»!!
< الإخوان قطعوا عننا المية والنور
- نحمد ربنا انهم مقطعوش عننا الكذب والهوااااا
< الشيخ العريفى: التنحى عن الرئاسة حقناً للدماء
- أحسنت يا مولانا.. ومييين يسمع!!
< شوفت فيلم «النهضة الهزلى؟!
- قصدك فيلم «جعلونى رئيساً»!!
< شرارة تظاهرات30 يونيو طالعة منين
- أكيد طالعة قدام قصر «الأبعدية الإخوانية»!!
< وزير الرى الإخوانى حذرنا من خطورة «سد النهضة»
- مش أخطر من فزاعة «نهضة الإخوان»!!
< 30 يونيو «يوم أسود» على

الجماعة
- يا شاااااطر... يا شاااااطر!!
< يا ترى مين هيخطف الثورة الثانية؟!
- أكيد اللى فى بالى بالك!!
< مصر تعيش حالة «تمرد»
- لأه.. دى حالة «تجرد» من «بوكسر الإخوان»!!
< الإخوان «مرعوبين» من تظاهرات 30 يونيو
- متستغربش.. أصل طباخ «سم الثورة» بيدوقه!!
< حاتم بجاتو من الخلايا النائمة للإخوان
- نايمة.. صايحة.. المهم بقى «وزير مأخون»!!
< عصام الحداد مستشار الرئيس: لست «جاسوس الشاطر» فى «الرئاسة»
- الكذب حرااااام يا دكتووووور!!
< الأبنودى قال إن حوار الرئاسة عن سد النهضة «غرزة سياسية»
- يسلم فُمك يا خاااااال!!
< الشعب يريد إسقاط مرسى وإخوانه فى 30 يونيو
- طبعاً الرئيس هيقول: «خليهم يتسلوا» هااا.. هااا!!
< أجرأ فيلم سياسى فى سينما النهضة
- مفيش غيره.. فيلم «الإخوانى والعبيط»!!
[email protected]