أمريكا تريد تعكير أجواء الربيع بين تركيا ومصر
**"نيويورك تايمز": إن لم تنقذ القاهرة نفوذها ستسحب تركيا البساط من تحته.
= الأمريكان يريدون الصيد في الماء العكر عشان يعكروا ربيع الوئام بين تركيا ومصر.. وإلا مادخل أمريكا بتركيا وبمصر ؟
***
** الكنيسة الإنجيلية تدين أحداث "المريناب" وتطالب باستعادة هيبة الدولة.
= وطنية جميلة أيتها الكنيسة ويارب بس الأقباط يسمعوا كلامك ويعملوا بيه.
***
** حريات المحامين": احتجاجنا ليس ضد استقلال القضاء.
= امال احتجاج على ايه ياأبوكاتوا
***
**غنيم: كان هناك "دقيق" مدعوم والآن "كرسى" برلمان مدعوم.
= بس باقي الانسان اللي هو مش مدعوم من أي جهة.
***
** أبو الفتوح يعزى "أردوغان "فى وفاة "والدته" بمنزله بإسطنبول.
= فيك الخير مشفتش ولا برقية عزاء من أي أحد لا مصري ولا عربي.
***
**مستشفى الكهرباء" توقف ممرضا عن العمل انتحل صفة طبيب
= بس ايقاف مافي حساب له ولا تأديب أخر
***
** نقابة الصحفيين تهنئ "كرمان" لفوزها بـ"نوبل".
= تستاهل الثائرة بنت اليمن الثائر.. وخطوة حلوة من النقابة.
***
**موقع إسرائيلى يزعم: "طنطاوى" أصبح عاجزاً عن قيادة مصر.
= راضين بيه لو على عكاز أو كرسي متحرك بس انتو اطلعوا منها يافتاننين يامفسدين
***
** 8 ملايين مستأجر ايجار قديم يهددون بالتصعيد ضد حكومة شرف
= الله يكون في عونك ياشرف الدنيا كلها اطربقت على راسك
***
** حريق الف طن قمح بشونة قطور.
= كله من غذاء الشعب الجائع، لكن مين السبب في الحريق ؟ أوعوا تقولوا عقب سيجارة.
***
** مصطفى بكري: ابراهيم عيسى كتب اعتذارا لمبارك فرفض.
= الكلام خطير والتفاصيل اقروها كاملة في الوفد
***
** اشتباك بالأيدى بين ضابطين بجلسة "الجمل".
= أهو في المحكمة وحصل اشتباكات بالأيدي امال لو في الشارع كان عملوا ايه ؟
***
** أقباط يطالبون بهيئة محامين للدفاع عن قضاياهم.
= ايه بقه هي قضاياهم هم مش من نسيج الوطن وقضايا الوطن كله قضاياها زي ماهي قضايا غيرهم ولا برضه الفئوية مسيطرة عليهم؟
***
** تظاهر أقباط بنى سويف لبناء "الماريناب".
يعني يسكتوا متظاهري ماسبيرو ويعقلوا شويه يطلعوا بتوع بني سويف ايه الحكاية يا أقباط مصر؟.
***
** صفوت حجازي: الحزب الوطنى به رجال شرفاء.
= عاوز تقول ايه ياعم صفوت.
( وسلمتِ يامصر)