روجينا وأشرف زكي.. من أنتِ لا تصلحي زوجة لزواج دام لأكثر من 25 عامًا

 روجينا وأشرف زكي أحد أشهر الثنائيات الناجحة في الحفاظ على علاقتهم الزوجية بالوسط الفني، والتي دامت لأكثر من ربع قرن، بالرغم من عملهم في مجال معروف عنه تذبذب العلاقات وكثرتها، تصدروا محركات البحث جوجل خلال الساعات الماضية عقب تداول الجمهور لتصريحاتهم بشأن حياتهم الخاصة بعيدة عن الأضواء.

اقرأ أيضًا: روجينا تفشل في تقليد ليدي جاجا وتعليق ناري من شرطة الموضة

وقصت روجينا خلال لقائها بصحبة زوجها الفنان ونقيب الممثلين أشرف زكي، مع أمير كرارة ببرامجه "سهرانين" أول مشادة "خناقة" وقعت بينهما وكانت يوم الخطوبة، قائلة:"أشرف عصبى جدًا.. وبيتعصب باللغة العربية، وكنا عاملين خطوبة على الضيق عشان مكانش معانا فلوس، لكن عزم كل المطربين، وفجأة لقيت محمد منير ومدحت صالح وعلى الحجار وحسن الأسمر، فكنت مبسوطة اوي أنهم موجودين وبيغنوا  فكنت بقوم أرقص كل شوية، ده أنا اللي أحيت الليلة، فاتخانق معايا وقالى هو انتى مش هتبطلى رقص؟ وبعدين جه رمالى الدبلة في البيت وقالى باللغة العربية أنتِ لا تصلحى.. ومش متحملة المسؤولية، وأغلب خناقتنا قبل كل مناسبة".

فيما كشف زكي عن الخطة التي قام بها؛ ليصل لقلبها ويرتبط بها خاصة وأنها سكنت قلبه منذ نظرته

الأولى لها حين كانت طالبة بمعهد السينما، وكان وقته هو معيد به.

وقال أشرف زكي: "عجبني إنها مؤدبة وجميلة ومتربية أوي، وكانت جاية من الشرقية ودوغري؛ لأن وسطنا صعب شوية، فشوفتها حسيت إن فيه توافق، وقولت للمخرج أحمد شفيق صحبي، شايف البنت اللي هناك دي هتجوزها، وعملت خطة بقى".

وتابع:" أنا مكنتش عارف بيتها وكنا في الإجازة، قولت لزميلة لينا أني عايز أخطب روجينا بس مش عارف بيتها وعايزها تساعدني بأنها تروحلها وأنا معاها وهي تطلع تقعد معاها فوق وتنزل بيها على أساس أنها توصلها".

 

لتكمل روجينا:"نزلت معاها لقيته قدامي جالى ذهول، وهو كان المعيد بتاعى و بيحاول يكلمني كذا مرة وقالى عايزك في مسرحية فقولتله لما يبقى في ورق نتكلم".

مقلب رامز جلال في روجينا وهي حامل