أحمد السقا: عايزين جمعة للعمل

دعا الفنان أحمد السقا على مدونته "أبو ياسين" إلى تنظيم جمعة ومليونية للعمل يذهب فيها المواطنون إلى عملهم يوم الجمعة والعمل بدون مقابل في هذا اليوم من أجل دعم وتحسين الاقتصاد المصري.

وكتب السقا في مدونته "شوفتوا عملنا كام جمعة من أيام الثورة؟.. جمعة الغضب، والرحيل، والصمود، والجيش، و...الفتنة الطائفية، والوحدة الفولاذية، و... و... و... أنا بتحداكم جميعاً أننا نعمل جمعة ومليونية للعمل.. كله يروح شغله يوم الجمعة ويشتغل ببلاش ويخلص الحاجات اللي وراه.. عارفين جمعة زى دي تفرق أد إيه في اقتصاد البلد، وفي روحنا، وتوجهاتنا، وإثبات حقيقي لحبنا... لمصر وتكملة صحيحة لثورة 25 يناير مصر أهم من اى حاجة متفكرش فى نفسك فكر فى بلدك لأن خير البلد هيعود عليك.."
وأكد السقا أن مصر في حاجة شديدة إلى جهود أبنائها خلال الفترة القادمة من أجل تحقيق الأمان وتقوية الاقتصاد؛ كما دعا القراء إلى نشر الكلام المذكور بمدونته في حالة لو اقتنع بوجهة نظره وأضاف :" عملنا الثورة وكمان لازم نعمل حاجة لمصر.. نضفنا البلد من الحرامية ومازلنا هنضفها من أى مرتش وحرامى بيسرق خير بلدنا .. لو عجبك الكلام دا اتحرك.. وانشرها ".