الفنانون ينعون الشهداء عبر تويتر وفيس بوك
استخدم الفنانون المصريون حساباتهم عبر موقع الفيس بوك وتويتر للتعبير عن غضبهم من أحداث استاد بورسعيد ونعوا أهالي الشهداء وقالوا:
قال خالد أبوالنجا «أُطالب بالتحقيق القضائي المستقل فورا مع الحكومة وطنطاوي ومجلسه؛ لكشف المتورطين في قتل شبابنا في بورسعيد، وإلغاء كل تشريعات العسكري فورا.. أن يتقاعس الأمن ويتواطأ بهذا الشكل، فهذا يدل أنه لا يصلح لمهمته في الحفاظ علي أمن وحياة المواطن.. طنطاوي ومجلسه والجنزوري لابد من عزلهم فورا».
وقال السيناريست عمرو سمير عاطف: «مع عظيم الاحترام للأصدقاء من الضباط الشرفاء، إذا لم يتم تطهير وزارة الداخلية من القيادات الإجرامية القذرة التي تسيطر عليها، والتي تواطأت بالتحريض والصمت، فسوف يتدهور الحال في مصر.. الحديث عن تطهير وزارة الداخلية يجب أن يسبق أي حديث آخر، وأضاف عمرو: «لكل اللي قالوا نعم في الاستفتاء عشان الاستقرار.. لكل اللي خايفين المجلس يمشي عشان الاستقرار.. لكل اللي بينزلوا العباسية عشان الاستقرار.. لكل اللي بيقولوا نستنى لشهر 6 عشان الاستقرار.. حلو الاستقرار ده اللى بيحصل فى الاستاد ولا عايز تستقر أكتر».
وكتب عمرو سلامة: «العرب قتلوا في بعضهم في السنوات الخمس الأخيرة أضعاف ما قتلته قوات الاحتلال الإسرائيلي في تاريخها.. الأسباب تشكيلة من طائفية لثورات لكرة، أنا عربي ولكنني اليوم لست مفتخرا».
وكتبت سيمون «أكتر من ٥٠ شهيدا في ماتش كورة؟ فين الأمن؟ فين المحافظ؟ فين الجيش؟ طول ما إحنا سايبين البشوات بيشتوا ويصيّفوا في منتجع طره من غير ما حيوان واحد بس فيهم يتعدم (أيوه إعدام!!!) على مذابح شهدائنا، وطول ما حيوانات وجراثيم أمثال بعض الإعلاميين بيبرطعوا على شاشات التليفزيونات يشتموا فينا ويسمموا أدمغة الناس بأكاذيب عن الثورة، يبقى نرضى باللي إحنا فيه ونقبل إننا دمنا رخيص
وقال السيناريست خالد دياب «مش عايزين من البرلمان تقصّي حقائق الحقائق.. واضحة زي الشمس.. عايزين قرارات ضد الشرطة والجيش».
وكتبت بشرى «نشاطركم الأحزان.. وحسبي الله ونعم الوكيل».
وقالت داليا البحيري «أنا مصدومة من اللي شفته ومش قادرة انطق ولا كلمة، أيه اللي بيحصلك ده يا حبيبتي يا مصر .. إيه ده؟ وليه؟ يا رب يا جبار علي كل جبار وعلي كل متأمر .. حسبي الله ونعم الوكيل».
وكتب الشاعر الغنائي أيمن بهجت قمر: «أحمل المجلس العسكري المسئولية مظلوما أو ظالما»
وقالت الفنانة رانيا محمود ياسين: «غباء كبير من اتحاد الكرة أن النهاردة يبقي فيه ماتشين مهمين زي دول، إيه الغباء ده، واضح جدا أن البلد من 3 أيام فيها انفلات وبكرة ذكري موقعة الجمل، عايزين إيه تاني حرام.!
وأكد الفنان صبري فواز أن النظام السوري أكثر شرفا من النظام المصري، لأن النظام السوري بيقتل الشعب السوري، لكن النظام المصري بيسلط الناس تقتل بعضها، وكتب الفنان الشاب أحمد السعدني: «أمن متواطيء سايبينهم يمروا من جانبهم حسبي الله ونعم الوكيل».