نداء من محمد مرسى للسيسى
تعقيبا على واقعة قتل 16 مجنداً بموقع كرم أبوسالم فى رفح، وتعقيبا على واقعة اختطاف 7 مجندين وهم فى طريقهم إلى وحداتهم فى رفح، كتب احد الشباب ويدعى حاتم سيد، الحوار التالي بين قائد طائرة هليكوبتر وقيادته على الفيس بوك، ساخرا من الرئيس محمد مرسى ومن الوزير عبدالفتاح السيسى ومن الواقع المؤسف الذى نعيشه وتعيشه سيناء بسبب انتشار تنظيم القاعدة بها بعد تولى الرئيس مرسى الرئاسة، حاتم كتب يقول:
«خبر مكتوب كده بالظبط :
الجيش كاد يقتل منفذي مذبحة رفح بصاروخ لكن محمد مرسي يرفض
ومن وحي الخبر تخيلت الحوار ده:
سواق هليكوبتر: من نسر 7 إلى القيادة _ حول
القيادة: ابدأ الإشارة يا عم الحاج
سواق الهليكوبتر: اللي قتلوا العساكر قدامي أهم اعمل معاهم إيه؟
القيادة: قول والمصحف
سواق الهليكوبتر: والله زى ما بقولك كده
القيادة: معاك صواريخ
سواق الهليكوبتر: اه لسه معايا واحد
القيادة: طب أظرفهم الصاروخ عشان يحرموا الكلاب
سواق الهليكوبتر: طب والريس مش
القيادة: آه تصدق طب استني أكلمه
سواق الهليكوبتر: بس انجز عشان مفيش جاز
القيادة: الو
مرسي: ايون.. مين؟
القيادة: إحنا القيادة يا فندم
مرسي: أؤمر يا سيادة المرشد
القيادة: لا يا باشا إحنا قيادة الجيش
مرسي:عايز ايه يا عم أنت خضتني؟
القيادة: إحنا رصدنا الإرهابيين اللي قتلوا ولادنا وبستأذن سعادتك نفرقعهم عشان يحرموا
مرسي: قشطة بس ماتعورهمش جامد
القيادة: ايييييييه! دول هيموتوا يا فندم
مرسي: لأ موت لأ ماتعملناش مشاكل دول حبايبنا
القيادة: خلاص أنت تؤمر يا كبير
القيادة لسواق الهليكويتر: سيبهم يا نسر دول تبع الريس
سواق الهليكوبتر: يعني أنا متشعبط في الهوا بقالي ساعة وتقولي سيبهم؟ والله لفضحكوا في الصحافة وع الفيس»