و اه ياثورة غلط
اه ياثورة غلط
خلت عيارنا فلت
كنت افتكرها حلت
اتاريها لية اوحلت
ياثورة قلبت لبط
لمة ذكاوة وعبط
اخوان وصفوة وسلف
ووسط منهم قبط
واة ياثورة غلط
---------------
قلنا الميدان اتربط
قلنا الاداء انظبط
وف لحظة فيها الطمع
بوظنا كل الخطط
ياثورة عقدك فرط
دخلت خيانة وحوط
نحمى كلابنا ف طرة
وقتلنا طهر القطط
واه ياثورة غلط
سيبنا الميدان اتوجع
صرخ وقال للجدع
دى مصر طالبة العدل
مش وقت ضرب الودع
رد علية الجدع
شعبك يامصر انخدع
لوطارت رقاب الرمم
للكل كان اتردع
واة ياثورة غلط
عضو اتحاد كتاب مصر
[email protected]