الشباب يتساءلون: مين اللي فوق العامود؟
بعد أن انتشر مقطع فيديو لشاب مصري في جمعة القصاص 8 يوليو 2011 يتسلق أحد أعمدة الإنارة حاملاً علم مصر، تكونت عشرات المجموعات على "فيس بوك" لتسأل عن هذا الشاب أو تقدم تحيتها له أو تفخر بصنيعه، كما انتشر مقطع الفيديو على موقع "يوتيوب" ووصلت مشاهداته لآلاف.
مجموعات "فيس بوك" حملت عناوين "كلنا الراجل اللي فوق العامود"، "رابطة محبي الراجل اللي طلع فوق العامود"، "مين البطل اللى واقف فوق العامود"، إلى جانب تعدد المجموعات باسم "الراجل اللي فوق العامود".في تعريفات هذه المجموعات، تقرأ على إحداها والتي وصل أعضاؤها 5 آلاف عضو: "المصري معروف بقوته وجبروته وعواميده"، وعلى أخرى "تقدر تطلع الارتفاع ده عشان ترفع علم بلدك؟"، وثالثة: "الـصـفـحــة الـرسـميــة لأجـدد رمـز للثــورة المصــرية.. الـراجـل إللى واقــف فـوق العــامــود".
أما تعريف جروب "رابطة محبي الراجل اللي طلع فوق العامود"، فكتب عليها: "على فكرة انا عارف قصة الراجل دا .. دا ملوش فى السياسة خالص انما حبيبته بعد أحداث الثورة قالتله لو منزلتش الميدان وشفتك هنسيب بعض فضل يتصل بيها من أول اليوم ويقولها أنا ظاهر فى قناة otv افتحى ال tv بسرعة متلحقش بعدها بساعة ظهر فى الجزيرة وسط الناس واتصل تانى واتكرر نفس الموضوع تقريبا عمل الموضوع دا مع كل قنوات النايل سات وبعد لما جاب أخره واتخنق طلع على العمود وقالها أهو أهو أهو شفتى ياعميا"حلو كده ولا
** أما تعليقات الأعضاء على الصفحات فنقرأ منها:
- النسر المصري يطرد النسر من مكانه ليحتله هو و يرفع علم مصر
- رجل المدرعة ورجل العامود رجال مصريون لا يعرفون المستحيل
- استطلاع رأي من هي أشهر شخصية غريبة في 2011 ؟ (الراجل اللي ورا عمر سليمان- الراجل أبو جلابية بتاع ماتش الزمالك- الراجل اللي طلع فوق العامود).
- أنا بيتهيألي بعد كده الأمهات حيخوفوا ولادهم ويقولولهم: عارف لو مذاكرتش حعمل فيك ايه؟، حطلعك جنب عمو بتاع العامود.
- إن لم يفعل المصري المستحيل ؟؟؟ من سيفعل ؟؟؟ شجع ابن بلدك وادخل واعمل لايك وشير عشان الراجل ده لازم يدخل موسوعة جينيس كأول حدث من نوعه.
- وتستمر الأساطير المصرية أساطير واقعية أغرب من الخيال.
- يا سوادك يا إسرائيل عندنا شباب قلبه ميت عندنا شباب ربنا يحميه شباب بيطير.
* شاهد فيديو عن الشاب متسلق العامود: