قبضة الألتراس.. (لا تراجع ولا استسلام)!

بعد حالة التصعيد من قبل "الألتراس" أمس، إستعداداً للحكم المرتقب الذي ربما يصدر السبت المقبل في أحداث مجزرة ستاد بورسعيد؛ انطلقت التعليقات الغاضبة والساخرة على مواقع التواصل الاجتماعي "فيس بوك" و"تويتر" وتباينت ردود الفعل حول هذه الحالة التصعيدية..

** وكان من أبرز هذه التعليقات..

ـ فرق كبير فعلا بين شباب الاولتراس وشباب الاخوان ..الأول تقف قدامه ساكت والتاني تتمنى إنه يفضل ساكت، ومحدش يقولي ما ذنب النباتات.

ـ الألتراس أخطأ بالصبر والسكوت طوال عام كامل، والمسئولين فى الدولة لن يقتصوا للشهداء، لذا قرر الشباب الثأر لضحايا مذبحة بورسعيد.

ـ العدل أساس الملك، ومدام راح العدل يبقا لازم يروح الملك ومدام القوي بيفتري على الضعيف يبقا مش عيب لما الضعيف يخربها على الكل .

ـ لولا الإخوان ما نجحت الثورة وبعدين أخركم اية تقعدوا في التحرير !! اشبعوا بية

ـ اللى مش وراه شغله ولا مشغله هيعمل اكتر من كدا.

ـ ربنا يحميهم بجد دول رجاله النادى الاهلى

ـ الالتراس.. أصحاب ثورة.. هم أول ناس نزلوا الميدان ضد عصابات مبارك فى التحرير يوم 25و26 و27 يناير.

ـ الألتراس شباب من خيرة شباب مصر وهما دول اللى هيجيبوا حق الشهداء اللى محدش فيكم اتكلم فيه كلكم، بتجروا ورا السلطة والكرسى بس

.

ـ كنا متعاطفين معاهم، بس اللي بيحصل ده ما يرضيش حد، والمواجهة جاية والـ 73 حايبقوا 200 ولا عزاء لاهالي الشهداء.

ـ أنا معاكو بس ايه ذنب الناس اللي اتعطلت مصالحهم؟.

ـ  مش هقدر أتعاطف ولا أدافع عن حد بيحرق محلات و أرزاق الناس ...لكن اتعاطف و أؤيد عيال عندهم 15 سنة بيجيبوا حق اخواتهم و أرجل من ناس كتير أوي.

ـ لا مانع من التظاهر والتعبير عن الرأى ولكن فى الاطار الشرعى مع الحفاظ على الدولة المصرية.

ـ لابد أن نحافظ على الشرطة، والممتاكات العامة والخاصة وعلى سلمية الثورة.

ـ اللي يقولك الألتراس عايز يخرب البلد..علي قفاه ورنه خليه يعلم .

ـ برغم إن الواحد متعاطف معاهم لكن الصراحه البلد بقت ماشيه بـ"الدراع"، والغريب ما شوفنا وزير الداخليه قالهم عيب ولا ميصحش بس، فالحين يسحلوا حملة الدكتوراة والماجستير.