فيس بوك: مصر قطار يندفع لكارثة!

 

منذ الصباح تحول "الفيس بوك" إلى مرثية بسبب حادث قطار أسيوط، وانفجر الغضب بين أعضاءه من خلال تعليقاتهم، التي انصبت حول البحث عن وطن يحفظ كرامة مواطنيه..

وانتقد الكثير من الأعضاء أحوال البلاد، وتشبيه حال مصر بأنها تشبه تماما حال السكك الحديدية حيث التخبط والفساد، على غرار: 

ـ لكل الأصدقاء المنزعجين من حوادث القطارات.. مصر كلها قطار يندفع إلى كارثة مخيفة

ـ إن في مصر لهيئة لو صلحت، صلح حال البلد كله.. ألا وهي السكة الحديد

الحادث × سياسة

على جانب آخر انتشرت التعليقات التي ربطت بين حادث قطار أسيوط بأحوال السياسة في مصر، منها:

ـ أبو الدستور على أبو البرلمان على أبو المادة التانية على أبو الأحزاب على أبو الفضائيات على أبو الخناقات السياسية اليومية.. كفاية قرف بقى وبصوا للشعب شوية.. عايزين الناس تعيش.. 65 طفل.. ده كفر

ـ سنصبح دولة متقدمة عندما يتوفى المواطن وفاة طبيعية

ـ في مصر فقط لا تجعل أولادك يتحركون سويا حتى لا تفقدهم في لحظة واحدة

ـ بلد وزراءها مشغولين بقفل المحلات وشيوخها بتزويج القاصرات عايزينهم يهتموا باللي مات؟

ـ لو الـ ٦٠ طفل دول ماتوا في دولة محترمة

كان يكون إيه التصرف !!! ضحايا إهمال وفساد ، سيدي الرئيس لو ابنك كان واحد من الاطفال اللى ماتوا كان إيه هيكون تصرفك ؟؟ ابنك مش أحسن من اي طفل من اللى ماتوا .

ـ ‎72 شاب في ماتش و65 طفل رايحين المدرسة .. اكتئاب

ـ اركب عربيتك و امشى فى طرق مصر ... هتموت

روح الاستاد .. هتموت

روح اتعلم .. هتموت

روح اتعالج .. هتموت

اقعد فى بيتكم .. العمارة هتقع عليك و هتموت

اعمل ثورة .. هتموت

خش القسم .. هتموت

اقف علي الحدود ... هتموت

ضد الحكومة

تفاعلا مع الحادث، انتشر بين أعضاء فيس بوك أيضا تداول مقطع فيديو لمشهد محاكمة الحكومة من فيلم (ضد الحكومة)، بما يعبر عن رأي الشارع ومطالب الجماهير في محاربة الفساد. 

** شاهد الفيديو:

http://www.youtube.com/watch?v=54i54gkAJAo