رئيس حزب الوفد
د.عبد السند يمامة
رئيس مجلس الإدارة
د.أيمن محسب
رئيس التحرير
د. وجدى زين الدين
رئيس حزب الوفد
د.عبد السند يمامة
رئيس مجلس الإدارة
د.أيمن محسب
رئيس التحرير
د. وجدى زين الدين

موسيماني يعلق على فوز الأهلي ضد صن داونز

موسيماني
موسيماني

تحدث بيتسو موسيماني المدير الفني للنادي الاهلي عن فوز فريقه امام صن داونز بهدفين دون رد في المباراة التي جمعت بينهما مساء السبت في ذهاب ربع نهائي دوري ابطال افريقيا.

وقال موسيماني في المؤتمر الصحفي "كنا في ماراثون صعب اليوم . خارجين من ظروف صعبة وضغط مباريات لكن احنا الأهلي فريق كبير معندناش أعذار".
وأضاف "صن داونز فريق كبير رأيتهم اليوم ومرشحين ببطولة أفريقيا بسبب اسلوب لعبهم كان صعب خصوصا الشوط الثاني لذلك انت محتاج تصبر وتلعب بذكاء لو لعبت بحماس هيخلصوا عليك".
واردف "الشناوي تصدى لفرصة خطيرة. عندنا أخطاء كثير انا عارفها وصن داونز لعب كرة مختلفة عن اللي كنت بلعب بها استعراضية لكن كرة القدم لا تعترف سوى بالاهداف والنتائج ونجحنا ".
وأشاد موسيماني بثلاثي الأهلي، " السولية وديانج عملوا مباراة كبيرة مش هما بس لاعيبتنا كانوا مثل الجنود اليوم، وصلاح بات التغيير السوبر أول مينزل يعمل سحر من نفس المكان ويسجل".
وتطرق موسيماني في حديثه عن عودة المصابين اقرب لاعيبة، " علي معلول هناخده معانا يعمل استشفاء وممكن يكون جاهز ع ماتش قطر . أيمن مكنش جاهز ومخلصش المباراة للآخر والحمدلله كان معانا وحيد. مفيش حد من الاتنين جاهز يلعب ٩٠ دقيقة. جونيور كمان لسه مش جاهز يلعب ماتش كامل ".
واستكمل " لا تقلق من ضغوط جنوب افريقيا وصن داونز تقلق أكثر من الجانب الخططي والفني  كمان صن داونز عليه ضغوط برضه لازم نشتغل اننا نروح هناك ونهاجم ومدافع كويس اكيد بس تفكر في التسجيل.الهدف في جنوب إفريقيا مهم جدا جدا . كانوا هنا في الشوط الثاني متحكمين في الأداء فلازم تحترمهم ".
واستشهد موسمياني بحظوظ التاهل للأهلي " لا لسه متأهلناش مينفعش نقول كدا رغم الهدفين بقالي ٢٠ سنة شغال  شوفت بايرن كان خسران ٥ ".
وأكمل " ليفربول كان خسران ورجع أمثلة كثير. ممكن تخسر بسبب الأخطاء لكن مينفعش تخسر بسبب ثقة زائدة مش هنقع في الفخ دا ".
وواصل " كرة القدم لها طريقتين لو لو هاجمت هتفتح الدفاع لو تقهقرت هتقلل الهجوم لذلك لازم تلعب بطريقة متوازنة في العودة 
طالبت جهازك يقعد بعد الهدف الثاني دا احترام لصن داونز؟ لما تكسب لازم تتواضع علشان لما تخسر الناس تبقى فاكراك. كنت لابس تيشرت الفريق وكسبت ألقاب معاهم وقضيت سنين طويلة وبحترمهم جدا والتسجيل فيهم مش يخليني أنساهم أو عدم احترامهم وايضا انا ساهمت في إنجازاتهم فهناك احترام متبادل بينا ".
وتابع " ازاي قفلت ع اللاعب موخليسي رقم٢١؟ طلعته من ناشئين صن داونز وطلعته إعارة. مشتغنناش ازاي نحيده أو مطلعه من اللعب شبه طريقة لعب كانتي في تشيلسي وايضا شبه انيستا".
واردف " مش عايز اتكلم كثير ع لاعيبة صن داونز علشان ميتقالش عايزهم للأهلي انا يشيد بهم واللاعب الوحيد اللي طلبته وكلمنا صن داونز رسمي كان سيرينيو. غير كدا مبحبش اعلق ع الاشاعات علشان اركز في المواجهات الصعبة".

وأتم "الكرة الطويلة لشريف؟ بقالي ٢٠ سنة مدرب حاولت العب بطريقة تكسبني مش بضيع وقت وبلعب بروح رياضية ومبطالبش حد يضيع وقت".