فيديو.. لميس الحديدي عن وقوع السيستم: بتحصل في أمريكا وأوروبا

 قالت الإعلامية لميس الحديدي، إن 90% من طلاب الصف الأول الثانوي أدوا امتحانات اليوم الأول، موضحة: "كان في مشكلة، لكن ده مش معناه إن السيستم كله وقع، كل الهدف من الكلام ده إن محدش يمتحن، لكن هنكمل الامتحانات والسيستم هيتظبط بالتعاون بين وزارتي التعليم والاتصالات".

 

 وأضافت "الحديدي"، خلال برنامجها "كلمة أخيرة" على فضائية "on" مساء أمس: "لا نقول إن أي مشكلة لم تحدث في لجان الامتحانات، حدثت بعض المشكلات، لكن يجب وضع الأمور في نصابها .. مينفعش نقول إن

سيستم الامتحانات كله وقع، على فكرة هنكمل الامتحانات، وكل ده ضغط على الولاد متمتحنش".

 

 وتابعت: "الامتحانات هتكمل برضه، ومشكلة سقوط السيستم ممكن تحصل تاني عادي، وبتحصل في دول كثيرة.. أنا أعرف ناس كثير في لندن وسويسرا والولايات المتحدة حصلت عندهم نفس المشاكل، وإبني  زمايله حصلهم هناك كده بتحصل عادي، الأهم أشوف العيب فين وأصلحه".