فتنة تثير رُعب الشعب فى عُرس انتخاب الرئيس
إنتقلت من محطة إذاعية الى أخرى عبر الراديو ، ثم أمسكت الريموت كنترول بيدى منذ الصباح الباكر اليوم الأربعاء أتابع سير عمليات انتخاب رئيس الجمهورية ، واتنقل ايضا من قناة تلفزيونية الى ثانية ، أرصد البث الحى للشاشات
من خلال الصوت والصورة لزملاءنا المُراسلين من أمام اللجان الإنتخابية فى مُختلف ربوع مصر من شمالها الى جنوبها ومن شرقها الى غربها ، فوجدت رسالة وصلت عبر الهاتف المحمول ، لا انكر انى استشعرت منها القلق والخوف ، على مكاسب حققتها ثورة 25 يناير ، بسبب ما ينتشر من شائعات هنا أو فتنة هناك ، خاصة ما يتسرب وينتشر كالنار فى الهشيم عبر شبكة الانترنت .
وها هى رسالة تنتشر منذ ليل أمس أحسبها فتنة تقصد إثارة الرُعب فى نفوس الشعب يوم عُرس انتخاب أول رئيساً لمصر بعد الثورة ، ويساورنى الشك فى مدى مصداقيتها ، لكن تقتضى الأمانة التحذير والتنبيه .
رسالة الفتنة " نتمنى الا تكون حقيقية " :
طبعا كلنا نازلين تقطيع فى بعض على الاخر وكل واحد شايف ان هو ابو العريف والباقيين المختلفين معاه لا عندهم مخ ولا كبدة ولا حتى كلاوى.
المهم انا عاوزكم كلكم تهدوا كده وتسمعوا اللى حصل ليا النهاردة
كنت قاعد فى صيدليتى فى امان الله ودخل عليا صديقى امين شرطة اسمالله فلان الفلانى ولما لقانى مغرق صيدليتى صور ابو الفتوح وكمان كانت صورته على عربيتى قاللى والله يا دكتور انتم صعبانين عليا قوى قولتله ليه ؟ قالى يعنى تاعبين نفسكم على الفاضى والموضوع محسوم لصالح واحد ومنتهى من زمان قولتله مين؟ قاللى ماعلينا على العموم اللى هتجيبه الصناديق هنصقفله كلنا قولتله ماعدا شفيق وعمرو موسى قاللى هتعمل ايه يعنى قلتله انا اول واحد هكون فى ميادين التحرير ده حتى الغاز المسيل للدموع وحشنى قاللى اطمن يوم 17 او 18 يونيو قرار اعلان النتيجة هيكون مصاحب ليه قرار حزر تجول فى الجمهورية كلها لاى حد خارج من بيته والضرب فى المليان طبعا انا ضحكت وسخرت من امكانية حدوث ذلك ولان الضحكة استفزته قاللى انت مش مصدق طيب اقسملك بالله ان تم حشد ضعفين عدد الامن المركزى القديم لحد ما وصلوا دلوقتى 8 مليون وكمان طوروا انواع الاسلحة سخرت اكتر منه وقولتله الشعوب ما بتخلصش وزى ما قال عمر المختار قبل كده ننتصر او نموت لكننا لا نستسلم قاللى ماهى المعركة المرة دى مش هتبقى الشرعية معاكم لانكم ببساطة ساعتها اللى هتبقوا ضد الديموقراطية ده غير ان الناس زهقت منكم على الاخر ولا انت فاكر يا دكتور ان احنا لما سيبنا الاخوان ينجحوا فى الانتخابات التشريعية (خلى بالك بقه من الحتة دى) ولما سكتنا عن توجيههم للناس ومخالفاتهم لفترة
اقسم بالله العظيم ان هذا حدث معى اليوم الاثنين ليلة الثلاثاء 22 مايو 2012 والله على ما اقول شهيد وانا لا ادرى نتيجة ما كتبته ولا ما قد يحدث لى الا ان دماء الشهداء تحاصرنى ولم استطع الصمت ........اللهم انى قد بلغت اللهم فاشهد وانا لله وانا اليه راجعون .
[email protected]