رئيس الحزب

ورئيس مجلس الإدارة

بهاء الدين أبو شقة

رئيس التحرير

وجدي زين الدين

عشان الشوك اللي في الورد يُغور الورد

د.وفيق الغيطانى

الخميس, 18 ديسمبر 2014 21:13
بقلم - دكتور: وفيق الغيطاني


< ربي لا أري شيئا في الدنيا يدوم ولا أري فيها حالا يستقيم ولكن أري فيها بعضا تهزه المشاعر ويغلفه الوفاء.

< فاز الأهلي - بالكونفدرالية.. الحمد لله لمصر، أما الأهلي جاله الحظ في آخر ثانية من أجل مصر والله والشعب الغلبان اللي نفسه يضحك حتي لو ضحك علي نفسه... بمعني بخت اللي ماله بخت.. الشعب المصري الغلبان المطحون.
< الترامادول وتوابعه - زي الزلزال توابعه قاتلة وخارقة (سرقة - خطف - إجرام - زنا - قتل - تحرش - زنا محارم - إرهاب - بلطجة - مرض - شلل عقلي وعضوي)، يا سلام علي وزارة الصحة المخدرة والداخلية المبهدلة.. هو الترامادول بيتهرب إلي داخل مصر إزاي؟ من تحت الأرض.. اصحوا يا بتوع الجمارك والحاويات والحدود.. والله ريحتكم طلعت وملأت الأجواء والطرقات بالفساد.
< شُرطة بِشَرْطة - والله لابد من إعادة هيكلة الشرطة وإلغاء النظام الحالي.. تعالي.. الضباط والأمناء اسم الله عليهم والمجندين المدنيين اللي في الأقسام والمديريات والمرور العظيم اللي بيذلوا الناس فيه طوابير وخلافه.. منظومة بايظة.. لما تروح تعمل مصلحة لك يا تدفع يا تُدْفَع.. الورقة أم خمسين لها فعل السحر.. يا ويله اللي ما يطلعهاش يلعن

حظه الدكر اللي دخله برجليه الي هذا المكان السيئ.
< خدمات المواطنين التابعة للشرطة محتاجة نظرة وتطور.. وأجهزة حماية من الفساد.
< السيسي بيعمل لوحده - والنبي ده كلام عايز يخرج من عنق الزجاجة .. إزاي بقي؟! .. وهو فيه حد عايزك تنجح من اللي حواليك فيهم كتير قوي أذناب وبنطلونات النظام الفاسد.. تصدق فيهم خلايا إخوان نايمة في الدرة، والله دول مشتركين في الفساد والسرقة.. والله بيشدوك لتحت ومش عايزين يخلوك تنجح.. لن تنجو مصر من الفساد والنفاق إلا لما تطهر الرئاسة وكل مصالح وحكومة مصر من أذناب الفساد ورجال زعيمهم اللي طلع براءة!!! - رجع فلوسنا - دي أمانة التاريخ حيسألك عليها.. وعيب قوي مبارك وعصابته يطلعوا براءات كدة.. مكشوفة قوي يا ريس .. ياريس كلنا بنحبك لحد الوقت.
< أين حمرة الخجل؟ - يا رجال الأعمال والنخبة الفاسدة البايظة.. معندهمش ريحة الدم .. تصوروا واحدة كفيفة وسنها ما يقرب من 95 عام وكفيفة تبرعت بتحويشة العمر (حلقها) وهي عايشة علي فيض
الكريم.. يا خسارة نخوة وكرم وذوق المصريين.. طب إختشوا بعدما سرقتوا فلوس مصر والشعب أصبح مثل هذه السيدة المحترمة مش لاقي ياكل ولا يتعالج وحاطط في بقة جزمة قديمة خوفا من الاضطهاد والطرد والحرمان من القروش البسيطة التي يتقاضاها.
ساكت ليه عليهم يا سيسي.. لازم تحاسبهم وتحاكمهم ليكونوا عبرة حتي يقف الفساد المسيطر حتي الآن علي كل شىء.. لو استمروا في النهب والسرقة وحيضربوا الشعب في مقتل ويهربوا بفلوسهم.. الحقنا يا سيسي قبل فوات الأوان.
< المصريون علي قلب رجل واحد - كنا جميعا علي قلب رجل واحد في الصمت 60 سنة علي الدكتاتورية وكذلك في الهتاف بالحرية في 25، 30 وأيضا مازلنا علي قلب رجل واحد في طابور رخص المرور والبوتاجاز وطابور العيش والمواد التموينية البديلة.. متعودة.. دايما!!
< الوزير المحترم.. هو واحد شايف شغله كويس وعنده فكر وبيحب مصر ولا يعشق الكرسي، بصراحة دي نبضة إيجابية لوزير التموين مش فاكر اسمه!! فكره حاضر.. جرىء في تطبيق التجربة.. صاحب أفكار .. حول زيت الطعام المستعمل إلي سولار.. يا حلاوة .. والله فكرة جديدة وعنده حلول علمية لكل شىء.. وحيصدر القمح في 2017.. آه لو حصل!!!
< تحية وتقدير لرجال الجيش.. والله أتمني أن تكون جميع الشركات والمصالح في الدولة تدار بنفس أسلوب إدارة الجيش.. يا عالم دول مصريين أيضا .. ناقص إيه الالتزام والقيادة والقدوة.. لابد من تغيير قيادات مصر اللي مارست الفساد مع كل النظم السابقة.
بصراحة في ريحة مؤامرة لاستمرار الفساد والتخلف والعشوائيات.

المنسق العام لحزب الوفد

ا