رئيس الحزب

ورئيس مجلس الإدارة

بهاء الدين أبو شقة

رئيس التحرير

وجدي زين الدين

في حوار داخل دوار "دياب" الجد..

شاهد.. شقيقة أقدم سجين مصري لـ"الوفد": عمره ضاع ونفسي نعيش في سلام

حوارات وملفات

الجمعة, 07 ديسمبر 2018 13:12
شاهد.. شقيقة أقدم سجين مصري لـالوفد: عمره ضاع ونفسي نعيش في سلام
أجرى الحوار: خالد عمار

بعيون فرحة ووجه مبتهج مليء بالأسى والهموم، عين مرفوعة الرأس والكرامة ككل سيدات الصعيد، وأعين مليئة بالخوف من المستقبل تبحث عن تساؤلات لإجابات في الغيب لا يعلم إلا الله.  
يدور الأطفال في الدوار لعبا وفرحا في انتظار العم الذي لم يرونه طيلة حياتهم، وعلى جانب آخر يبحث الكبار عن مستقبل هادئ وسلام لعائلة دامت فيه 45 عاما بعد حبس كمال ثابت أقدم سجين مصري. 
"الوفد" حاورت شقيقة السجين كمال ثابت.. وإلى نص الحوار:-

 

بداية الحادثة وتفاصيلها؟
نحن شقيقان فقط، صفية وكمال، قتل أبي عام 1973 على يد أحد أبناء العزب المجاورة فغضب شقيقي كمال لأخذ ثأره وطلب بندقية من أعمامه لكنهم قابلوا طلبه باستهزاء وسخرية.
لكن كمال لم يتوقف فطلب من أحد أعمامه تجربة بندقيته ثم صوبه في صدره فسقط قتيلا وعندما عاتبه عمه الثاني

أطلق عليه النار هو الاخر فسقط قتيلا. 


كم كان عمره وقت الحادث؟
عمره كان 18 سنة وقتها كان شاب طايش ومش عاقل دفع حياته كلها تمن خطأ ارتكبه وهو شاب، ودخل السجن شاب خرج عجوز. 


هل هو متجوز أو له أحد خارج السجن؟
لا، هو مش متزوج، وملوش حد غيري أنا أخته الوحيدة، أمه ماتت من 13 سنة وكان نفسها تشوف اليوم دة.  

 

ازاي جاتلك فكرة طلب الإفراج الصحي؟
أنا اتقدمت بطلبات كتير اوي، عشان يخرج ما انا مليش غيره وعايشة في مصر بعيد عن أهلي وناسي.
بقالي سنين بتقدم بطلبات للمحكمة والنائب العام ووزير العدل لفيت الدنيا كلها عشان يخرج والناس كانوا بيستهزوا بكلامي وبيقولوا مش هيخرج. 


كان فاضل له كام سنة ويخرج؟
.لسه كان فاضل له 6 سنوات على الأقل.  


آخر مرة زورتيه في السجن امتى؟
من 6 شهور كانت آخر زيارة .

 

هل أولاد عمه ناويين يأخذون بالثأر؟
لا، مفيش طار ومش عاوزين دم تاني كفاية دم نفسنا نعيش في سلام وأمان، هم أولاد عمي واخواتي وأهلي وهم قالوا لي بنفسهم أحنا نستقبله في بيتنا. 


هل هو مرحب بيه داخل القرية؟
أيوه، كل الناس بتحبه ومرحبة بيه ومنتظرينه حتى ولاد أعمامه اللي حصل معاهم المشكلة القديمة قالوا خلاص اللي فات مات ده عمره وشبابه راحوا وأهلا بيه في بلده وينزل على بيتنا كمان.  
 
إيه الحوار اللي دار بينكم وهو نازل من سيارات الترحيلات؟
قلت له انت خلاص هتخرج بعد ساعة يا كمال والصحافة وكل الناس مستنينيك وفرحانين بخروجك، قالي انا مش مصدق نفسي يا صفية..  مش مصدق نفسي.  


طلباتكم ايه بعد الإفراج عنه؟
نفسي يلاقي بيت يقعد فيه، أو الدولة توفر له شغل حلال لأنه معندوش حتى هدوم يلبسها وأنا ممعيش اساعده، نوفر له سكن أو معاش أو شغل. 


 

أهم الاخبار