معلومة قانونية .. خلى بالك من نفسك خلى بالك من فلوسك

1- حضرتك عندك عربية قبل سنة 2000 تقريباً.

الحكومة هتاخدها منك كإنها خردة وتعتبر إن تمنها هو مقدم سيارة جديدة تعمل بالغاز بالتقسيط والتفاصيل هتظهر مع الوقت سواء هتكون الأجرة فقط ام سيكون لاحقاً الملاكى كمان مع الأيام ستضح الرؤية.

ولو لقيت عربية تباع حالياً بأى ثمن بلاش تستعجل على شرائها لأن كله هيبقى خردة.

2- حضرتك ناوى تشترى شقة سكنية لأ بالراحة كده علشان فلوسك لا تضيع عليك.

لازم تتأكد إن المقاول أو البائع قام بعمل تصالح مع مجلس المدينة «واتقبل التصالح خلاص».

ولازم تعرف إن الشقة خالية من أى جنح على مالكها ومش تبع الأوقاف أو أملاك الدولة.

وحذارٍ تستعجل على شراء شقق لقطة فى الفترة دى بجد هتخسر فلوسك.

وحذارٍ تشترى شقق إسكان اجتماعى لسه عليها أقساط وإلا ممكن تتسحب منك وتخسر فلوسك أنت وصاحب الشقة الأصلى.

3- لازم تتأكد من عدم وجود أحكام قضائية عليك لو أنت بانى عشوائى وهتتصالح هتتصالح وإلا هتروح فى سكة القضاء العسكرى وده مبيرحمش.

4- لو عقارك المخالف بعد 2007 لازم تروح تعمل مصالحة قبل 30/9 وإلا فأنت عقارك مهدد بالإزالة وأقل الأضرار هتحصل لك إن المرافق هتتفصل عن شقتك زى الكهرباء والمياه والتليفون والغاز والنت.

وحذار تشترى شقة إلا بعد التأكد من الكلام ده.

5- توقع أن فى الفترة القادمة المحل اللى أنت شاريه ممكن يتحول فى لحظة لجراج بقوة القانون ومصلحتك هتتقفل لو كانت المنطقة مفيش فيها جراجات.

 

من أجمل ما قرأت:

ذلك هو الله

لو أصبت ٩٩ مرة وأخطأت مرة واحدة

لعاتبوك بالوحدة وتركوا الـ ٩٩

هؤلاء هم البشر

ولو أخطأت ٩٩ مرة وأصبت مرة لغفر الله الـ٩٩ وقبل الواحدة.. ذلك هو الله

ما أعظمك من إلهٍ يا ملك الملوك.

 

eldarouty1[email protected]