موظفة تبحث يوم خروجها على المعاش عن قاضٍ أنصفها من سنوات

 الموظفة التى فقدت البصر ففصلتها الصحة، تبحث يوم خروجها إلى المعاش على القاضى الإنسان الذى انصفها منذ سنوات، وتوجه له رسالة: (أنت بصمة فى حياتى، فاكراك وعمرى ما حنساك، وكان نفسى أشوفك عشان أدعيلك فى وشك، يارب كل إللى يشوف الفيديو يوصله إنى بدعيله من قلبى).

 

 كان الحكم العادل للمستشار الدكتور محمد عبدالوهاب خفاجى، نائب رئيس مجلس الدولة، من سنوات بمنحها إجازة بأجر كامل حتى بلوغها سن الـ٦٠ عامًا.

 ولما بلغت سن المعاش روحت المحكمة أقابله وأشكره، قالولى اترقى وراح القاهرة، أنساه إزاى الراجل ده الله يكرمه قضيتى بقالها ٣ سنوات محدش بص فيها، وهو لما جه رئيسًا للمحكمة حكملى فى أسبوعين، وطلع كل قضايا وزارة الصحة من الأدراج، وقال لمحامى وزارة الصحة هو أسبوع واحد بس ترد على القضية، ليه فصلتوها عشان فقدت البصر!

 يارب كل القضاة اللي  فيكى يا مصر  يرجعوا للناس حقوقها بالعدل، أنا هايبة اسمه وشكله على المنصة، قالى قرأت قضيتك كويس،

بس عاوز اسمعك.. هو فيه كده.. فيه الجمال ده.. ربنا يكرمك فى صحتك، ويعلى مراتبك. 

٢٧ سنة خدمة، وفصلونى عشان فقدت البصر بسبب شغلى، وسيادة القاضى سمعنى ورجع الروح والفرحة فيا، عمرى ما حنساك لآخر يوم فى حياتى، انت بصمة فى حياتى طلعتنى من حالة يأس إلى حالة فرح، وسددت ديونى، عمرى ما أنساك، وأقولها للعالم كله انت قاضى الغلابة والمظلومين، نظرى راح ومش شايفاك، لكن شايفاك بقلبى، وربنا بيحبك عشان بادعيلك من قلبى.. أنسى الراجل ده إزاى، يا رب كل إللى يشوف الفيديو يوصله إنى بدعيله من قلبى.

نموذج مصرى نادر لن يجود الزمان بمثله، ازرع الخير.

https://www.youtube.com/watch?v=Cb2K8Q2DVn4