فيديو.جيران قاتل بناته: "الزوجة شريكة"
ذهبت "بوابة الوفد" اليوم إلى منطقة جسر طرادى النيل ببنى مزار وهى من المناطق الشعبية بالمركز مكان مذبحة بنى مزار الشنيعة والتى أبكت القاصى والدانى من وحشيتها، المنطقة خيم عليها الحزن والهم مما حدث ومن هول الجريمة الكل يعرف بعضه هناك.
وبمجرد دخولنا واقترابنا من منزل الطفلات الثلاث هند وصابرين وفاطمة إلا وقد تجمع حولنا الجيران وبسؤالنا لإحدى الجارات وتدعى نورا فتحى محمد 24 سنة عما حدث فى موت البنات الثلاثة انخرطت بالبكاء وقالت: "أنا اديلى 3 أيام مش عارفة أنام من منظر البنات وهما مقتولين انا أصلا كنت واقفة قدام بيتنا وعدى عليَّ حمدى أبو الاولاد حوالى الساعة الثامنة صباحا وصبَّح عليَّ وكان شكله مربوك وسألته مالك فى حاجة قالى لا أصل هند تعبانة وسخنة شوية وعلى طول جريت وفتحت الباب على مراته كاملة لقيتها قاعدة فى غرفة البنات وسألتها مالهم البنات قالت أبدا مفيش حاجة أصلهم غرقوا نفسهم مية بالليل وأناغيرت لهم بامبرس قولتها بمبرس إيه دى البنات جسمهم ناشف ومديت إيدى لقيتهم ميتين روحت مصرخة ولميت الجيران".
وأضافت: "رجع زوجها وجاب سيارة ربع نقل وبقى يلقح البنات فى العربية كأنهم مش بناته وروحنا مع بعض المستشفى راح أبوهم مطلع كارنيه الشرطة هناك وكان عاوز يدفن الموضوع والموظفين فى المستشفى قالوله خلاص يابيه إحنا هنكتب إنه لدغهم ثعبان وخد العيال وإدفنهم لولا الشباب قالوا لا إحنا عاوزين نعرف هما ماتوا إزاى وبعد كدة عرفنا ساعة جابوا الأمن ومثل الجريمة قدام النيابة والأمن وقال إنه جاب ثعبان كوبرا من مصر وبقى يحطه على رجليهم علشان يلدغهم ويحط إيده على فمهم
وتابعت: "الإعدام هيريحه إحنا عاوزينه يتعذب لحد ميموت زى معذب بناته الثلاثة فى موتتهم وعلى العموم هما استريحوا كان على طول هو ومراته نازلين طالعين ضرب فيهم حرام عليهم دى بنته هند قبل ميقتلها بيوم كانت تمت حفظ القرآن الكريم وواخدة جايزة وبعدين مراته (الثانية) كانت عارفة إن أبوهم قتلهم لأن أول مطلعنا عندها قالت هو لدغهم تعبان طيب لو مش شريكة معاه وعارفة جابت منين الكلام دة".
وعن معرفتهم بزوجته (الأولى) قالت" الكذب خيبه عمرنا مشفناها هو كان متزوجها هناك فى بنى سويف وعمرها مجت هنا غير لماعرفت إن بناتها اتقتلوا وقدمت بلاغ فى زوجها ومراته إن هما اللى قتلوها".
شاهد الفيديو
http://www.youtube.com/watch?v=5lTGhknVsoA