عاجل
رئيس حزب الوفد
د.عبد السند يمامة
رئيس مجلس الإدارة
د.أيمن محسب
رئيس التحرير
د. وجدى زين الدين
رئيس حزب الوفد
د.عبد السند يمامة
رئيس مجلس الإدارة
د.أيمن محسب
رئيس التحرير
د. وجدى زين الدين

إن شاء الله وألف ألف مبروك


بعض المصريين يفهمون في الطب وبعضهم في الهندسة وبعضهم في الأدب والفلسفة لكنهم جميعا يفهمون فى السياسة إلا الحكومة فهى فى نظر كل الشعب لا تفهم فى السياسة وأظرف تعليق على اداء الحكومة الببلاوية جاءنى من صديق نفخ دخان الشيشة وهو يضحك ويقول الحكومة دى عاملة زى أنعام سالوسة فى فيلم عايز

حقى لما كانت أم هانى رمزى وهو رايح يخطب هند صبرى ومحلتوش أى حاجة بس قرأ فى الدستور ان المال العام كله ملكه فقال لأمه تعالى وأى حد يسألك عن أى حاجة قولى ان شاء الله وألف ألف مبروك طيب يا حاجة ابنك ورث ان شاء الله وألف ألف مبروك طيب لقي شقة ان شاء الله وألف ألف مبروك ولما سألت صحبى إيه وجه الشبه قال لى طيب اسأل الحكومة هاتعمل الحد الأدنى للاجور ازاى وهل عندها ميزانية هايقولولك ان شاء الله وألف ألف مبروك طيب أنتم جاهزين افرض الأمن فى الشارع بعد انتهاء الطوارئ والحظر برضه ان شاء الله والف مبروك يعنى عاملين حسابكم نفس الرد.. طيب فى امل السياحة ترجع طيب فى استثمار وفى وظائف يعنى فى تعليم فى صحة ودواء طيب هاتعملوا إيه فى الزبالة والمرور طيب فين الأنبوبة مفيش غير إجابة واحدة ان شاء الله والف الف مبروك طيب يا إخوانا ماتش غانا هايتلعب بجمهور ولا من غير مفيش إجابة غير ان شاء الله وألف ألف مبروك.
كله ده ماشى ممكن نقبله من حكومة مؤقتة فى ظروف مؤقتة ومنيله بستين نيلة لكن ما لا يمكن ان نقبله أبدا هذه الرخاوة والطراوة في التعامل مع المخفى محمد مرسى وعشيرته إزاى يا سادة تسمح الحكومة لفريق الدماطى ورجالته يقابلوا مرسى ويطلعوا يعملوا مؤتمر عالمى يعلنوا من خلاله بيان رقم واحد من المخطوف والمأسوف عليه مرسى على طريقة المسلسلات الدينية يقول لكم مرسى ولن أتكلم عما حمله بيان المخفى من تحريض صريح على العنف والحشد فغنى عن البيان ان المخفى مرسى زعلان جدا ومقهور يا حبة عين امة لان شعب مصر منزلش يتظاهر يوم محاكمته ويطالب بعودته ليكمل لهم مشوار النهضة وقالهم فين الحشود يا ام احمد وفين الناس صحيح يا اخى الصفاقة رذيلة ولكنها ايضا موهبة.
عموما اللى فات ننساه ولكن لن يغفر الشعب ابدا اذا خرج البيان رقم 2 من المأسوف عليه محمد مرسى .
فكرة للتأمل
الاهلى طول عمرة مدرسة المبادئ والقرار الخاص بالولد عبد الظاهر قرار تربوى.

[email protected]