رئيس الحزب

ورئيس مجلس الإدارة

بهاء الدين أبو شقة

رئيس التحرير

وجدي زين الدين

حبوب منع العقل

جهاد عبد المنعم

السبت, 31 أغسطس 2013 22:04
بقلم -جهاد عبدالمنعم

لو حد إخوانى عيط جنبك وسألك ترضى حد يقتل أخوك كده أو يمسك أخوك يحطه فى السجن.... من غير ما تفكر أرزعه على قفاه جامد جدا وقول له أنا أخويا مش إرهابى وعمره ما يقدر يمسك سلاح ويقتل أى إنسان أو يهدد أى حد أو يحرق أى حاجة لمجرد انه قابض أو انه عنده أوامر من أسياده كبار الإخوان اللى تخصصوا فى إعطاء الشباب الإخوانى حبوب منع الفهم لكى لا يسأل ولا يجادل ولا يناقش حتى  لا يقع  فى المحظور زى ما دايما يقولوا لهم... فأول شرط لكى تستمر فى جماعة الإخوان أقصد عصابة الأربعين حرامى إرهابى دول لازم تاخد حبوب منع الفهم أو منع العقل ولا تفكر أبدا، فقط تنفذ الأوامر وتقبض وتاخد صك تدخل به الجنة اللى معاهم مفاتيحها.

ومن طرائف وغرائب الإخوان إنك لو فكرت تناقش حد فيهم عن الوضع الحالى يقولك بكل ثقة. إن الفلول والليبراليين والعلمانيين والاشتراكيين والفنانين والأزهر والمسيحيين وجبهة الانقاذ وتمرد والجيش والشرطة والإعلام والقضاء بيتأمروا علينا بس الحمد لله  الشعب معانا طيب هو مين اللى فاضل من الشعب بعد كل دول إلا إذا كانوا بيعتبروا الأمريكان والإسرائيليين والأخ رجب أردوجان هم دول الشعب.
ومن عجايب الإخوان  اللى ما

بيفهموش أبدا  يقولوا لك لما الشعب كله نزل يوم 30 يونية علشان يخلع مرسي والإخوان ده كدب كل ده فوتوشوب ومش حقيقى وعامله خالد يوسف ولما السيسي طلب تفويض الشعب ونزل له يوم 26 يوليو 30 مليون مصري يفوضوه  طلع  الإخوان يقولوا كدب دى صور الناس اللى نزلت يوم 30 يونية.. ادينى عقلك بقى فى الإخوان وخفة دمهم وهبل أمهم.
هكذا يفكر الكائن الإخوانى العجيب  كلهم نسخة واحدة يرددون نفس الكلام بنفس الطريقة  ولا يعطى الواحد منهم عقله  فرصة... وإن شاء الله هذا الكائن فى سبيله إلى الانقراض  بعد ان انكشف  وبضاعته كسدت ومحدش بقى ياكل من كلامه حتى لو رجع عمل نفسه مسكين ومضطهد وغلبان زى ما بنشوف فى كل حتة  مسرحين شوية ستات منتقبات وشوية عيال يطلعوا فى المترو وفى الأماكن العامة يعيطوا ويعرضوا شوية صور لناس مش عارفينهم ويقول لك قتلوهم وهم بيصلوا فوق الكوبرى وهم ساجدين فى رابعة خلاص الناس لا تصدقهم أبدا بيفكرونى بقصة كنا بندرسها فى  الابتدائي لما راعى الغنم فضل يضحك
على الناس ويعيط ويزعق الحقونى الديب اكل الخرفان فيهبوا لنجدته  ويكتشفوا انه كداب ويرجع يكر ر نفس اللعبة ويطلع كداب لحد ما جاله الديب بصحيح وحاول يستغيث ويطلب النجدة من الناس ومحدش سأل فيه لانه كداب وسوف يصبح هؤلاء الإخوان  قريبا مجرد  تحف فى متحف  الدنيا لما نروق نتفرج عليهم ويعنى نلاقى حاجة تضحكنا فى الأيام السودة اللى سبونا فيها بعد ما غرقوا المركب وبهذه المناسبة أحب اكشف لك عن أسباب التكشيرة على وجوه المصريين  بالطبع الإخوان اول سبب لكن هناك أسباب أخرى غريبة جدا ننفرد بها  نحن  المصريين عن غيرنا من خلق الله.
فلو إنك ضحكت أو ابتسمت فى وش واحد ما تعرفوش يبص لك بقرف ويقولك انت تعرفنى ويمكن ينتهى الأمر بذكر الأم والأب أو خناقة ونصيبة سودة ليه لانه روحه فى طراطيف مناخيرة  ولو ابتسمت فى وش صاحبك يقول لك أنت أهبل ياله ولو ابتسمت فى وش أبوك يقولك شكلك عامل مصيبة ولو ابتسمت فى وش امك تقولك ما فيش فلوس ماتتعبش نفسك ولو ابتسمت فى وش مراتك تقولك مخبى علي إيه.
إيه اللى مفرفشك كده ويمكن تخرب بيتك وتجيب لك امها وتلم عليك امة محمد ولو ابتسمت فى وش المدرس فى المدرسة يطردك م الفصل ولو فى وش الدكتور فى الجامعة يطردك م المحاضرة  ولو ابتسمت فى وش رئيسك فى الشغل  يمكن يخصم لك  يومين ولو ابتسمت فى كمين يبقى فى جيبك برشام أو بانجو أو حشيش وتاخد على قفاك طب نعمل ايه طبعا نكشر كلنا.
فكرة للتأمل
افرح كل يوم ... حاول

[email protected]