رئيس الحزب

ورئيس مجلس الإدارة

بهاء الدين أبو شقة

رئيس التحرير

وجدي زين الدين

أحبك... شعر

ثقافة

الاثنين, 11 فبراير 2019 07:43
أحبك... شعر

أحبك وأنتى مكسوفة
وملهوفه على حضنى
و شىء مُضنى
بأن الوقت بيعدى
نقوله استنى إترَوَى
كلامها يدوب على قدى
دى سكنى و دُنيتى و بنتى
وكوكتيل من بنات حوا 
وبندق سخن ع القهوه
ف عز البرد ف يناير 
وعش لطير و متغرب 
بقاله من سنين طاير 
وضلة صيف 
وجو بلدنا يوم ف خريف 
ونُصرة قلب كان فاكر
بأن نبضه لسه ضعيف 
ميتحملش 
ولا يكملش 
ف مشوار من بتوع الحب 
لكنه معاكى اتمنى
يعيش الدنيا و الجنة
.
.
.
عرفت ليه يا عم الوقت
بقولك اهدى واستنى !!


شعر / ولاء الدين فاروق

أهم الاخبار