المجند أيمن يكشف كواليس مقابلته السيسي: الريس قالي هات عجلتك وسابقني (فيديو)

عقب الشاب أيمن قنديل، المجند الذي قابله الرئيس بالعلمين على تسلمه هدية الرئيس عبدالفتاح السيسي، وهي عقد ملكية مكتبة جديدة، قائلاً: "كنت متأكد بنسبة مليون في المائة أن الرئيس سيحقق لي مطلبي".

وحول مشاعره عندما قاد العجلة بجوار الرئيس السيسي، قال في مداخلة هاتفية ببرنامج "كلمة أخيرة"، الذي تقدمه الإعلامية لميس الحديدي، على شاشة "ON"، : "لو قعدت من هنا للسنة الجارية مش هعرف أوصف مشاعري أني قدت العجلة بجوار الرئيس السيسي".

وأكمل: "في بداية اللقاء اتخضيت ومكنتش حاسس بنفسي لما الرئيس قال لي سلام عليكم الكرسي بتاع العجلة بتاعك واطي ليه كده؟.. فرفعناه ثم قال لي تعالى هات عجلتك وسابقني، وسألني عن اسمي قلتله أيمن"، مواصلًا: "قال سابقني ولما تكلم معايا قال لي أنت مكسوف مني؟، أنا زي والدك ثلاث مرات فهديت وأخذت نفس وبدأت أتكلم معاه ببساطة".

واستطرد: "الخضة في الأول ده طبيعي لأني أقابل رئيس الجمهورية ومكنتش أحلم بحاجة زي دي.. ولما قلي نفسك في إيه؟ فضلت للحظات مش عارف أقول إيه لحد ماحكتله عن مشروعي الصغير وإزاي نفسي أكبره

وسألني في مكان معين كويس؟، قلت له فيه مكان كويس وشغال.. والحمد لله".

 

وأتم: "أول تليفون عملته بعد لقاء الرئيس كلمت والدي وأخبرته ومكنتش عارف أقله إيه؟ مكنش هيصدقني بس أنا كلمته في نص الليل وده وقت متأخر عندنا في منطقة العامرية في الاسكندرية وسألني فيه حاجة يعني؟، قلت له لا تمام الرئيس اتكلم معايا وسألني محتاج حاجة؟ وقلتله الرئيس بيسلم عليك وفعلاً الرئيس بعتله السلام".

موضوعات قد تهمك:

فيديو| السيسي لأحد الشباب: "المنايفة عارفهم كويس وخصوصًا بتوع أشمون"

بعد تسلمه هدية السيسي| المجند أيمن: احتواء الشباب نهج الرئيس (فيديو)