نكشف أسرار تقديم طارق علام لبرنامجين فى رمضان
المذيع اللامع طارق علام فاجأ جمهوره هذا العام بتقديم برنامجين على عدة قنوات فهل خطط لذلك أم جاء بمحض الصدفة ، التقينا طارق علام وكان هذا الحوار
1\ ما هو سبب ظهورك هذا العام ببرنامجين ؟
ج . أول مرة اقوم بعمل برنامجين لأن انا استفزيت كرجل مسلم من بعض الناس اللى بتنسب للإسلام أنه دين السيف والإرهاب فقررت عمل البرنامج ده أيا كان الشكل او أياً كان هيتذاع فين والحمد لله ربنا كرمنا فى هذا البرنامج واتصور فى اكثر من مكان وظهر بشكل مش زى البرامج الدينية التقليدية وحاولت أقول فيه كلمة كرجل مسلم او رجل مستنير واتمنى تكرار البرنامج مرة أخرى وادعو كل الأئمة المسلمين فى مصر والوطن العربى أنهم يعيدوا صياغة الخطاب الدينى بما يناسب الشباب لأن ما يتم تقديمه فى برامج الهواء واحد ومحفوظ حيث يطلع الشيخ ويسأل ويعطى فتاوى فقط ، المفروض يتم تطوير الخطاب الدينى لأنه يوجد الكثير من الشباب بيفهم خطأ ويدخل فى أشياء المفروض يتم توضيحها وأنا كمشاهد ونزلت سألت فى هذا البرنامج اكتسبت معلومات تؤكد لنا ان الإسلام هو دين الحب ودين السلام .
2\ ما هو الجديد فى برنامج الأسير ؟
ج. الجديد فى برنامج الأسير انى سافرت بعض الدول صورت فى اماكن كتير ودخلت وكالة الفضاء الهنديه وفى الصين او اى دوله بصور فيها بشوف انهم عندهم حلم كبير وان النجاح بيبدأ من تحت لفوق والدولة ورئس الوزراء بيقوموا بمجهود كبير لكن لازم يتم التنميه من تحت لفوق بنشوف حالة قاسية لأول مرة ناس مربوطه من رجليها ومبتخرجش من 20 سنه بنخرجهم وبنعالجهم عشان نقول للمجتمع والحاجات دى بالمناسبه مربوطة من 20 سنه وبقول لناس ان احنا محتاجين نشتغل وكفايه كلام الأسير هو أسير الجهل لازم يطلع للنور بالعلم وليس بالفهلوة وأضاف انا صورت الأسير فى اكثر من مكان زى الصين وهونغ كونغ وتايلاند والهند وهولندا ودول كثيرة وأبحث على حاجات بسيطه وكمان بندخل مصانع ونقابل بعض المسئولين ومن الحاجات الجميله التى رأيتها واحد اسمه (سامانتا) بيعلم اكثر من ربع مليون طالب فى الهند على حسابه وانشأ جامعة كبيرة الجامعة دى خاصة بتصرف على الجامعات والمدارس الخاصه بالفقراء وده مثل بنقدمه لرجال الأعمال فى مصر شوفت افكار بسيطه جدًا وشوفت تجارب لازم احنا كا مصريين نبداء بيها وعندنا مفاجأة غير ساره وروحنا بعض الاماكن المغلقه والمصانع القفوله بسبب الروتين هنقول اسبابها وهنتناولها فى حلقات البرنامج ويعتبر البرنامج تنموى غير عادى اتمنى انه ينجح ويلقى حظه وسط البرامج الخفيفه والمنوعات وحاولنا نخفف جرعة الحزن وسيكون فيه ابتسامه ان شاء
3\ ما هو وجه الإختلاف بينهم وبين برنامج كلام من دهب ؟
ج . كلام من دهب كان بيدى جوائز هنا مفيش جوائز غير جوائز بنقدمها للجمهور عن طريق مسابقة البرنامج والسفر بره وجوه والتنمية المباشرة والغير مباشرة وبالإضافه إلى دعم بعض المشروعات الصغيرة وعايزين نقول لناس لازم نتغير ونشتغل بدل القعدة حتى لو كان عندك مشكلة او معاق .
4\ ليه فى رمضان بس ؟
ج . الاسير كان المفروض يتذاع فى شهر 2 او 3 الماضى لكن حصل بعض المشاكل مع القناة اللى كان المفروض تذيع البرنامج وتأخر واذيع فى رمضان وبالمصادفه كنت أحضر برنامج اليكم السلام وكده المشاهد هيشوفنى هنا وهنا والأسير حصرى على قناة دريم 2والاعاده على دريم1 اما برنامج اليكم السلام فكرته تقوم على شكل تنويرى وسيذاع على اكثر من قناة منهم الفضائية المصرية والقناة التانية فى تمام الساعه السابعه والربع بعد الفطار وقناة crt والعاصمه وقناة كايرو والخليجيه وتايم واكثر من قناة تشارك معانا لأن البرنامح بتكلفه رمزيه جدًا لانه فى محابة الرسول وفى لقاءت مع ناس فى داخل وخارج مصر وبنشوف مشاهد لبعض المشاهير زى كريم بنزيما وهو بيقول انا بحب اقرأ القرأن كل يوم 10 دقائق واتمنى ربنا يكرم وينجح ويصل الى الشباب .
5\ من وراء اغنية اليكم السلام ؟
ج . الأغنية للفنان ايهاب توفيق وباشكره جدًا والشاعرعبد الله حسن والموزع امير سليمان وبكرر شكري لإيهاب توفيق لأنها أغنيه رائعة تليق بالرسول عليه افضل الصلاة والسلام .
6\ ماذا يقدم الأسير واليكم السلام الى الجمهور ؟
ج . الاسير بيقدم 30 عمره و30 مشروع و30 جهاز عروسة اما اليكم السلام 30 عمره كل يوم لكل واحد يجاوب على السؤال الدينى والأهم م