منة فضالي تروي قصتها مع فنانة كبيرة تحاربها

كشفت الفنانة منة فضالي عن العديد من الأسرار الفنية والشخصية، خلال استضافتها في أحد البرامج الشهيرة.

 

وروت منة فضالي، قصة محاربتها من قبل نجمة كبيرة في الوسط الفني، والتي قررت مؤخرًا عدم التعامل معها مرة ثانية لما تسببه لها من ضرر.

 

اقرأ ايضًا .. منة فضالي: كنت مرتبطة بشخص وطلب مني ألبس الحجاب ..(فيديو)

 

وقالت منة فضالي خلال لقائها مع الإعلامية أميرة بدر ببرنامجها “Vip” على شاشة “هي”:في ناس كتير حاربتني ومنهم نجمة كبيرة جدًا وكبيرة سنًا، ومعنديش فكرة ليه بتعمل كدا، ومواجهتهاش واشتغلنا مع بعض كتير جدًا، وهي من زمان بتعمل معايا كدا، مؤخرًا كان عندنا مسلسل في دولة عربية وأنا بطلة المسلسل والمنتج نفسه اتضايق، كلمني عليها قولتله دي جميلة أوي وهتضيف للمسلسل، قالي أنا اتضايقت أوي من ردك يا منة دي مقالتش عليها كدا وقالت كلام مش لطيف، وطلبها قدامي وقالت عني كلام مش لطيف، وحشة أوي من جواها أسود.

 

وأضافت منة فضالي: ممكن تكون كبرت وخرفت

بقولها داين تداين ولما تقطعي رزق حد ربنا مش هيباركلك، كان جايلها إعلان وطلبوا مني أجبها وقولتلهم لأ وجبت غيرها وعمل وقولت لأ ، ومتعرفيش امتى هضرب ضربتي، أنا قوية جدًا وبعرف أمتى أخد حقي، الجشع والكدب والنفاق مش تبعي، وصراحتي بتخسرني ناس كتير، في حاجات ممكن أكدب فيها عشان مخسرش الطرف التاني، ممكن أكون قد حفيدتها، وهي أخر حساباتي وأقولها كلي في نفسك.

 

جدير بالذكر أن برنامج “vip” يعرض على شاشة "هي" يوميًا في شهر رمضان في تمام الساعة 11 مساءً، كما يعاد عرضه في اليوم الثاني في تمام الساعة 3 صباحًا، والساعة 10 صباحًا .