المحاكم هتشتغل.. سبب رفض محيي إسماعيل الجواز

قال الفنان محيي إسماعيل: "لما كنت صغير لقيت الشقة من حق الزوجة والموهبة هتضيع وجيبي مفيهوش فلوس وعايزة أجيب شقة ولو جبت عيل المحاكم هتشتغل، وموهبتي أقوي من أي واحدة، ودي كانت الظروف فقلت مش هاتجوز ولا عايز اجيب عيال".

أقرأ أيضًا: محي إسماعيل يعلن خوفه من الموت.. رعب القبر منعه الجنازات | فيديو

وأضاف خلال تصريحات متلفزة: "انا اتجوزت أرمل علشان مخلفش لأن أنا صغير وكان عندي 25 سنة بعد فيلم الأخوة الأعداء، لقيت كل بنت اجي احبها أقولها  عن إذنك  فتقولي ايه ده هتسيبني ورايح فين، اقولها رايح اشوف شغل، فتقولي ياه كده ولقيتهم كلهم زي بعض، فرفضت اتجوز".
وأوضح الفنان محيي إسماعيل: "قلت هاقوي نفسي الأول ماديا، وبعدين اتجوز، ولما اتجوزت اتجوزت كبير أرمل ولو اتجوزت واحدة صغيرة وانا كبير هاجيب عيل أموت وهي تضيع".

وأشار: "عدم حضوري الجنازات خطأ في تكويني الشخصي لإني أخاف الموت، ومرة واحد ضحك عليا وقال لي انزل ادفن معايا

فنزلت ادفن معاه شوفت المقبرة من جوا واللى بدفنها طلعت من المقبرة فأغمى عليا فحرمت، كل انسان ربنا مديله قدرات معينة فالواحد يحترم قدراته ويحافظ عليها".
واستطرد: "أخاف ادخل فيلم وميكونش الانتاج جاهز والعملية مش مدروسة صح، وبخاف انام في الطيارة خوفا من سقوطها وعلشان كده باقعد في ديل الطيارة علشان لو وقعت الحق ديلها".
ولفت: "أضفت شئ لم يكن موجودا من قبلي في السينما المصرية، حيث أنني جسدت جميع عقد البشر لوحدي ومفيش حد في العالم عمل ده إلا إنا وقعدت في ده 40 سنة علشان اكشف حقيقة الانسان من الداخل".

 للمزيد من الأخبار طالع alwafd news