مصطفى قمر يكشف مفاجأة عن فيلم أولاد حريم كريم

 تحدث الفنان مصطفى قمر عن حبه الشديد للفنان محمد فوزي، كما تحدث عن تعاونه مع الفنان أحمد زكي في فيلم البطل ودخوله مجال التمثيل وكشف مفجأة عن الجزء الثاني من فيلم حريم كريم.

 

 تصريحات مصطفى قمر مع أنغام:

 

 قال مصطفى قمر خلال استضافته في برنامج أنغام، التي تقدمه الفنانة أنغام، ويعرض عبر قناة دي أم سي: "أنا امتداد لمحمد فوزي وبحبه جدًا وكنت عايز أبقى زيه".

 

 اقرأ أيضًا.. لقاء غنائي بين أنغام ومصطفى قمر (الليلة)

 

 وأضاف: "أول فيلم كان مع أحمد زكي في فيلم البطل وكنت محظوظ جدًا وسامي العدل كلمني قالي مش نفسك تمثل سينما قولتله ياريت وجابلي ورق فيلم البطل".

 

 واستكمل: "كلمني بعدها قالي في مفاجأة لو عرفتها مش هتاخد فلوس في الفيلم فضلت أفكر إيه المفاجأة ولما روحتله قالي أنت هتمثل مع أحمد زكي قولتله همضي فين؟ ومسألتش على الفلوس".

 

 وكشف: "لما قابلت أحمد زكي قالي ما تخدوا شريف منير أنا عجوز قولتله أنا عملت الفيلم عشان أنت فيه، وأحمد زكي قالي التمثيل عينين وقالي عينك لو هتكدب مش هنشوفك متفكرش في الكلام بص على اللي قدامك وقوله كلام مظبوط وكل شوية يقولي نصيحة وطلعت قوي جدًا في فيلم البطل وبسيط".

 

 مصطفى قمر يكشف تفاصيل فيلم أولاد حريم كريم:

 كشف قمر أن كتابة سيناريو فيلم أولاد حريم كريم موضحًا: "وأحنا اليومين دول خلصنا ورق الفيلم اسمه أولاد حريم كريم الأولاد كبروا وبيكملوا المسيرة وتيام هيبقى من أبطال الفيلم".

 وقال قمر: "ببقى مبسوط أن الأولاد في العصر الحالي بيجوا الحفلات وبيغنوا

معايا الأغاني القديمة، وأنا بحب احترم الكلمة حتى لو بسيطة ولو هنهزر يبقى باحترام".

 

 أحدث أغاني أنغام لوحة باهتة:

 كانت أحدث الإصدارات الغنائية لأنغام من خلال أغنية "لوحة باهتة"، التي حققت أكثر من 5 ملايين مشاهدة، من كلمات نادر عبدالله، ألحان تامر عاشور.

 

 وتقول كلماتها:

"عارف احنا طول فراقنا زي ايه زي لوحة باهتة لونها مايترسمش زي سطر في صفحة متشخبط عليه مهما تقرا فيه تلاقيه مابيتفهمش زي طفلين وقت لما بيغلطوا بتلاقيهم خافوا يومها وعيطوا زي حرفين مشبوكين واتفرطوا زي طرفين مقطوعين مابنتلضمش كنت عمري ياللي مقصود بالكلام كنت ضهري ونفسي ضهري مايتقطمش هو بالليل ينفع ان العين تنام الا لو لو يحضنها ويغطيها رمش ليه وافقنا وسيبنا بعض ازاي كمان واتفارقنا قال عشان مابنتفاهمش عننا ما كنا اتفاهمنا من زمان بس من اللي بينا كنا مانتحرمش كنت عمري ياللي مقصود بالكلام كنت ضهري ونفسي ضهري مايتقطمش هو بالليل ينفع ان العين تنام الا لو لو يحضنها ويغطيها رمش".

 

 لمزيد من الفن اضغط هنـــــــــــــــــــــــــــــــــــــــــــــــــــــــــــــــا.