فاروق فلوكس عن أمواله.. حلال وعمري ما ندمت على الراقصة والسياسي
أثارت مشادة كلامية بين الفنان الكبير فاروق فلوكس ومحمد رمضان، جدلاً كبيرًا على مواقع التواصل الاجتماعي المختلفة، خلال الأيام القليلة الماضية ما جعلها حديث الجميع.
اقرأ أيضا.. إثارة الشغب وشلل الحركة المرورية.. حصيلة زيارة محمد رمضان للإسكندرية (صور)
وعلق فاروق فلوكس، عن دوره في فيلم "الراقصة والسياسي"، خلال استضافته في أحد البرامج التلفزيونية، قائلاً: "أنا عمري ما ندمت على حاجة لأن الفيلم حقق ليا فلوس وده رزق وربنا بعتلي الرزق أندم عليه، أما الدور في حد ذاته له رسالة إزاي معملوش، والدور ده محدش عمله بالجرأة دي".
كما أوضح "فلوكس" حقيقة الإدعاءات التي تطال أموال التمثيل، حيث يقول البعض انها حرام، قائلاً: " إيه الكلام الفارغ ده، اتقوا الله فلوس التمثيل التي يتحصل عليها الممثل لخدمة المجتمع حلال، ولكن غير كده مش حلال ".
وكان الفنان محمد رمضان، سخر من النجم الكبير فاروق فلوكس، مقللاً من حجم دوره في فيلم "الراقصة والسياسي"، والذي جسد خلال شخصية "صبي راقصة".
وتحدث محمد رمضان، خلال لقائه في أحد البرامج الشهيرة، قائلاً: "فى فنان كبير عمل أشياء أرفض أن افعلها، وكان بيعمل أدوار صبي عالمة ولو هشحت مش هبقي زيه، رغم أن هذا الفنان قدير".
وخرج أحمد فلوكس، ليرد على إهانة والده، خلال منشور عبر حسابه الشخصي بموقع التواصل الاجتماعي "فيسبوك"، وكتب: "شوف يا حماده، انت ترفض إنك تعمل دور صبي رقاصة لأنك دايماً نمبر وان، فأكيد هتبقى عينك على دور الرقاصة نفسها، مش الصبي بتاعها ".
وأضاف "فلوكس": "وانت ما شاء الله ناجح في ده جداً وبتعمله سهل وأنت عريان ما دريان".
وتابع:" نمبر وان بقى يا سيدي، زي بالظبط ما يكون واحد مسجل نشل، استحالة يحلم أن يكون أمين شرطة، حلمه هيكون أكبر من كده، هيكون نمبر وان".
واستكمل:" أنا والدي عمل دور صبي رقاصة لأنه بيعشق التمثيل والأدوار الصعبة، والحمد لله إنه ربى رجل بيحترم نفسه وبيحترم اللي بيقدمه للناس، وبيحترم بلده، ودمه فداء ليها، لأن شعب بلده هم اللي عملوه فلازم يقدملهم أحسن حاجة".
وأضاف:" بحمد ربنا أكتر وأكتر، إن ما خلفش واحد مسجل نشل لأن المسجل هتكون أقصى طموحه أن يكون أسطورة، وهيرقص برضه بس عريان ".
واختتم أحمد فلوكس حديثه قائلاً: "وبعدين مش شرط تعمل دور صبي رقاصة، ممكن تكون نجم كبير بس أخلاقك أخلاق صبي الرقاصة، وده الأخطر مع إن والله صبي الرقاصة ولا بيقهر حد ولا بيظلم حد، ولا ليه في سكك الشيوخ والدجل، ولا نصاب ولا بيحكها مع الكبار".