هيثم شاكر: وفاة والدتي كسرني وحياتي كانت سودة

حل الفنان هيثم شاكر ضيفًا على برنامج "معكم" والذي تقدمه الإعلامية منى الشاذلي ويذاع عبر شاشة Cbc، والذي كشف خلاله العديد من الأسرار الفنية والشخصية.

 

اقرأ أيضا .. هيثم شاكر يطرح "مش عادية".. فيديو

 

وكشف الفنان هيثم شاكر، تفاصيل إصابته بمرض سرطان في القولون، قائلًا: "مش بحب أشارك مشاكلي الشخصية مع حد".

 

 

وأضاف هيثم شاكر: "بحب أتحمل مسئولية لوحدي، ومش بحب أصعب على حد، ووالدتي توفت من غير ما تعرف مرضي، بحمد ربنا على كل حاجة حصلتلي، اكتشفت إني عندي سرطان في القولون، واستسلمت زي أي حد، وسافرت أتعالج بره.

 

 

وتابع: "كنت شايف حياتي سودة، ومستني قدر ربنا، وحسيت إن حياتي هتنتهي، وفي دكتور نفساني متابع معايا، وقالي عيش اليومين اللي فاضلين دول، محدش عارف الغيب، بدأت أتعلق بالحياة أكتر، وكنت شغال في ألبوم أحلى قرار، إلا أن ربنا منّ عليا بالشفاء، وربنا عالم بكل حاجة، ومش بيبعت حاجة وحشة، ومن حوالي 10 سنين أو أكثر، عملت عملية

في معدتي، واكتشفت المرض بالصدفة، كانت قرح في البداية، وتحولت إلى سرطان".

 

 

واستكمل: "ووالدتي كانت بالنسبة ليا كل حاجة، علشان كده مرضتش أقولها، ومكنتش هتستحمل تعرف كده، ووفاتها كسرني".

 

وأضاف هيثم شاكر: "المواقف بتبين الناس على حقيقتها، قولت للناس القريبين علشان يبقوا جنبي، ملقتهمش، وناس عرفتهم بالصدفة وفضلوا جنبي، أتغير في حياتي كتير جدًا، الحياة مش مستاهلة أي حاجة".

 

 

واختتم هيثم شاكر، قائلًا: "وعندي يقين إن ربنا هيعمل الأحسن للبنى آدم، مهما الواحد جري، القدر مكتوب، وواخد الـ 24 قيراطًا كاملين، ولازم أسعى وأجتهد وأعمل اللي عليا، وأصبح بداخلي سلام أكثر، الصحة مفيش أغلى منها، وهي السند الحقيقي.