"دعوة للعنف ضد المرأة"| مفيدة شيحة تهاجم مبروك عطية لهذا السبب (فيديو)

فتحت الإعلامية مفيدة شيحة النار على الداعية الإسلامي مبروك عطيه، بعد تصريحاته الأخيرة حول واقعة ذبح فتاة المنصورة.

 

اقرأ أيضًا.. الحب في الجامعات طريق المراهقين لحبل المشنقة

 

وقالت "شيحة" خلال برنامجها "الستات"، والذي يذاع على شاشة النهار: "الشيء الأغرب فعلا كان تعليق الشيخ مبروك عطية على حادثة نيرة، وأثار تعليقه جدل كبير جدا وصدمنا كلنا الحقيقة".

 

وأضافت مفيدة شيحة: "لأنه في الوقت اللي منتظرين فيه من رجل دين يخرج يوعي الناس ويعظهم ويصحي فيهم قلوبهم وضمايرهم لاقيناه خارج يحذر كل ست إنها لو خايفة على نفسها مفروض تنزل من بيتها "لابسة قفة".

 

وتابعت:" قفة، يعني هو ده اللي قدرت تقوله يا فضيلة الشيخ؟ بدل ما تلوم القاتل على فعلته، بدل ما تصبر أهل البنت اللي راحت ضحية أفكار سامة لشاب مجرم في تفكيره وفعله يكون ده تعليقك على الموضوع، ومفروض نلبس كلنا قفف، ومفروض نمشي بقفة خايفين علشان نحمي نفسنا". 

 

وقالت:" رجعنا تاني لأصل العيب عليها وشوف لابسة ايه؟! آه بس المرة دي الجريمة مش تحرش يا سيدنا الشيخ، المرة دي جريمة قتل، انت مدرك يعني ايه جريمة قتل؟ معقول حتى القتل بقينا بنطلع نديله مبررات وبدل مانجرم اللي بيعمله بنرهب اللي بتقع عليه الجريمة دي؟

 

واستكملت الإعلامية مفيدة شيحة، أنه :"أنا فعلا مصدومة من الكلام ده وحاولت أقلبه في دماغي كده 100 مرة علشان أفهم يمكن له تأويل تاني غير اللي فهمناه كلنا بس الحقيقة هو مالوش أي تأويل غير إنه دعوة للعنف ضد المرأة ورسالة ترهيب مخيفة، ومن المخجل إنها تخرج من رجل دين".