انهيار حمو بيكا ع الهواء: "تعبت ومحدش حاسس بيا" (فيديو)

استضافت الإعلامية ياسمين عز، مؤديا المهرجانات حمو بيكا وحسن شاكوش منذ قليل في برنامجها "كلام الناس" والمذاع عبر شاشة Mbc مصر. 

 

اقرأ ايضاً .. حمو بيكا: أنا بقدم فن وبيسمعني الملايين| ندمان على الألفاظ الخارجة

 

وتحدث حمو بيكا خلال استضافته في البرنامج عن أزمتة مع نقابة الموسيقيين، قائلاً:" غير راضي عدم قدرته على العمل داخل مصر ، موضحًا أنه مؤدي وليس مطربًا كي يعامل بمعايير المطربين وعايز أغني داخل بلدي وليس خارجها ".

 

وبكى "بيكا" خلال استضافته، حيث قال أن أوراقه الخاصة بنقابة الموسيقيين كاملة، قائلاً:" تعبت ومحدش حاسس باللي أنا فيه، أنا ورقي كامل ومفيش ولا ورقة ناقصة، وأنا مش صوت ولا كروان بس ليا جمهور وشعبية كبيرة والناس بتحبني، وأنا نفسي أتصنف بس راب ولا أي حاجة، والامتحانات في النقابة ماشية بما لا يرضي الله ".

 

 

وأضاف حمو بيكا: "جابولي ناس كبيرة من الأوبرا يختبروني،

وكان لازم أغني لـ أم كلثوم وعبدالحليم حافظ، في المقابل زمايلي غنوا مهرجانات في الاختبارات ونجحوا ".

 

واستكمل:" أنا مش صوت، أنا داخل بجمهور أنا راجل مؤدي، مش لازم يكون صوتي كروان عشان يدوني الكارنيه، أنا أي دولة عربية بتسمعني، مينفعش، ليا الجمهور دا كلو وحضرتك متصنفني".

 

وقال حمو بيكا:" في الدستور حرية الرأي مكفولة، ملكش تمنعني أنا مش بعمل حاجة غلط، كل حاجة النقابة بتطلبها بعملها، أعمل إيه تاني، إنت بتقولي أخرج بره مصر، لا أنا مصري، ولازم الامتحانات تمشي بما يرضي الله".

 

 

لمزيد من أخبار فن الوفد اضغط هنا