أول تعليق لـ مخرج "لام شمسية" بعد خروجه من السباق الرمضاني المقبل

عبر المخرج كريم الشناوي، عن رأيه بعد قرار خروج المسلسل الدرامي الجديد "لام شمسية" من الماراثون الرمضاني المقبل 2022، وذلك بعد تعرض عدد من أسرة المسلسل لإصابات متتالية بفيروس كورونا المستجد في الأسابيع الأخيرة، مما أدى إلى تكرار تأجيل بداية التصوير لأكثر من مرة.

 

اقرأ ايضاً .. مسلسلات رمضان 2022| حسن الرداد يخوض السباق بـ"بابلو"

 

وكتب "الشناوي" عبر حسابه على موقع التواصل الإجتماعي "فيسبوك":" بعد خبر تأجيل المسلسل امبارح، جالي تليفونات ورسائل كتير لأصدقاء بيطمنوا وبيدعموا القرار ".

 

 

وأضاف:" أنا بس حابب أوضح إني مبسوط بالقرار وممتن لكل الشركاء في العمل اللي حطوا مصلحة المشروع قبل مصلحتهم من أول المنتج وشركة الإنتاج والأساتذة الممثلين والأساتذة رؤساء الأقسام وكل الشركاء في العمل اللي بذلوا مجهود كبير في الفترة اللي فاتت ولسه عندهم الحماس لبذل مجهود أكبر لما نستكمل العمل ".

 

 

 

وتابع كريم الشناوي:" احنا عمرنا ما بنضمن النتيجة لكن دورنا نوفر أفضل ظروف ممكنة للشغل والحقيقة دي القناعة اللي عند كل فريق العمل ودي حاجة تفرح جدا ".

 

 

وقال:" حابب كمان أشكر فريق الإخراج اللي أنا حقيقي محظوظ إني بشتغل معاهم، واللي كانوا شريك أساسي في كل نجاح

حققنا قبل كده، وامبارح كنت ممتن جدا إنهم حولوا قرار صعب زي ده لقرار سهل ومفهوم ومنطقي حتى لو بيلخبط حساباتهم الشخصية، ودي حاجة بتؤكد فخري واعتزازي بفريق الإخراج اللي بشتغل وسطهم ".

 

 

وأختتم المخرج كريم الشناوي؛ قائلاً:" حاجة أخيرة وشخصية، امبارح كانت الذكرى السنوية الأولى لوفاة عمتى مها الشناوي، وقعدت أفتكر كل الكلام اللي كانت بتحكيهولي عن الصناعة وازاي هنفضل طول الوقت قدام خيارات صعبة ولازم نقدر عليها، وفي نفس الوقت نحافظ على شغفنا للشغل اللي بنعمله، فكنت مبسوط إنها حاضرة ومؤثرة في يوم زي امبارح ".

المسلسل من بطلوة "منى زكي، إياد نصار، أحمد رزق، ومن إخراج كريم الشناوي، وتدور قصته حول قضية التحرش بالأطفال وتأثيرها على المجتمع.

 

لمزيد من أخبار الفن اضغط هنـــا