رئيس حزب الوفد

بهاء الدين أبو شقة

رئيس مجلس الإدارة

د.هانى سري الدين

نائب رئيس مجلس الإدارة

م.حمدي قوطة

رئيس التحرير

د.وجدي زين الدين

إدوارد بعد إصابته بكورونا: "فقدت شغف متع الحياة"

فن

الجمعة, 14 يناير 2022 13:56
إدوارد بعد إصابته بكورونا: فقدت شغف متع الحياةإدوارد

كتبت - إيمان محمد

كشف الفنان إدوارد، عن تطورات حالته الصحية بعد إصابته بفيروس كورونا، وذلك عبر صفحته الشخصية على موقع التواصل الاجتماعي الشهير "فيسبوك".

 

إدوارد يكشف لجمهوره الدروس المستفادة من كورونا

وكتب "إدوارد" عبر صفحته قائلًا: "هحكيلكوا علي أول ليلة مع الكورونا بما أنها أول مرة تجيلي وطلعت منها بإيه، ليلة صعبة جدا تعب في الجسم زى ما يكون حد بيعذبك وبيدوس علي كل حته في جسمك وصداع نفسك يغمي عليك عشان تخلص منه ورعشه فظيعة، طول الليل بقول يارب".

 

وتابع : "مش هنكر في لحظة فكرت في الموت والناس اللي ماتت من الكورونا، صدقوني مخوفتش من الموت

خوفت علي مراتي وولادي وعيلتي، وإنهم مسئولين مني ولازم أبقي موجود عشانهم ولازم أصلي لربنا عشان يقومني أكمل وحسيت إني فقدت شغف كل متع الحياة".

ادوارد

وأضاف: "مش عاوز حاجة، عاوز أكون كويس عشانهم، بس أنا من النوع اللي بحب الناس وبحب الحياة وبحب الأصحاب، انبسط كتير أوي لما لقيت ناس كتير سألوا عليا أعرفهم وماعرفهمش وعاوزين يساعدوني في محنتي بأي شكل، ومنهم فنانين كبار بجد وإعلاميين كبار بجد، ربنا يباركلكم في صحتكم وعيلتكم".

 

واستكمل ادوارد حديثه قائلًا: "كمان

اكتشفت قد إيه مراتي أنا غالي عندها مش همها كورونا ولا مش كورونا، قاعدة جنبي تعملي كل حاجة تريحيني  قد إيه أنتي ست عظيمة جالك كورونا ومقولتليش السنة اللي فاتت عشان كنت بشتغل وموش عاوزة تشغليني بيكي، مكنتش عارف إنها صعبة للدرجة دى، بجد انتي جبل إنك استحملتي وكنتِ واقفة كمان تخدمينا وتشوفي طلباتنا".

 

واختتم حديثه قائلًا : "أنا اسف إني محستش بيكي في الوقت ده، أوعدك أقوم وأعوضك عن كل ده، الحياة مش مستاهلة غير إنك تعيش مع ناس بتحبها وتحبك وتخاف عليك، دي الخلاصة إني فقدت الشغف في متع الحياة عاوز أعيش مستور أنا وعيلتي ويكون حواليا ناس بحبها وبتحبني ونتمني لبعض الخير وبس في ليلة واحدة الدنيا علمتني كتير ربنا يبعد عنكم أي حاجة وحشة".

أهم الاخبار