العناية الإلهية تنقذ ابنة أحمد بدير من الموت

 تعرضت ابنة الفنان أحمد بدير لحادث احتراق منزلها بعد انفجار مكيف الهواء أثناء نومها لتصبح فى مواجهة مع الموت وتنجو منه بأعجوبة.

ونشرت سارة بدير صورا من المنزل بعد احتراقه، وكتبت على حسابها بموقع التواصل الاجتماعى فيسبوك، «الحمد لله خفى الألطاف الذى نجانا من المهالك ومن سوء المنقلب ولطف بيا أنا وبنتى فى اللحظة المناسبة من حريق كبير فى شقتى بسبب انفجار مكيف واحنا نايمين إمبارح»،

أضافت سارة بدير «الحمد لله على كل حاجة، وأى حاجة ممكن تتعوض بإذنك يا رب طالما

أنا وبنتى طلعنا بسلام».

وتابعت موجهة حديثها للجمهور «خلى بالكم قوى من التكييفات يا جماعة خصوصًا اليومين دول وبلاش تناموا وأنتم مشغلينها وربنا يسترها علينا وعلى أهالينا وعلى ولادنا جميعا يا رب، آسفة على بشاعة الصور بس دى تذكرة ليا عشان دايما أعرف ربنا بيحبنى أنا وبنتى قد إيه ألف حمد وشكر ليك يا رب».