بسبب مشاهدها في فيلم "مش أنا".. حلا شيحا تهاجم تامر حسني وتغلق التعليقات

شهد حساب الفنانة حلا شيحا الرسمي هجوم على الفنان تامر حسني بسبب طرح الأخير لمقاطع غنائية من الفيلم الذي جمعهما سوياً "مش أنا"، والذي تم طرحه في دور العرض السينمائي خلال يونيو الماضي، عبر موقع تبادل الصور والفيديوهات "انستجرام".

اقرأ أيضًا..الليلة.. العرض الخاص لفيلم تامر حسني "مش أنا"

هجوم حلا شيحا على تامر حسني

جاء اعتراض حلا كالتالي:" انا اتفاجئت جدا ًبنزول كليب يجمع فيه مشاهد متفرقة من الفيلم و في ايام ذي الحجة ايام مباركة و خصوصاً بعد اخر بوست نزلته و وضحت فيه انا ايه ..
و اتفاجئت اكتر خصوصا ًبعد وعد تامر حسني ليا وتأكيده انه حيحترم رغبتي و بعض الطلبات اللي طلبتها منه بكل احترام وود الصيف اللي فات و اكدلي انه حيحترم رغبتي ".

حلا شيحا تتبرأ من فيلمها مع تامر حسني

وتابعت قائلة:"احنا يمكن نجحنا بمقايس الدنيا بس صدقوني بمقايس ربنا احنا لم و لن ننجح أنا عارفة و متاكدة ان زملائي جواهم خير بس للاسف فتنة الشهرة و النجاح مش بتخلينا نشوف ونقيس الامور صح".

حلا شيحا:فيلم مش أنا كان زلة

واستطردت:"بتكلم من قلبي الكليب ده ميرضيش ربنا و انا عيطت لاني شفت نفسي في المشاهد دي .. دي كانت زلة نتيجة ظروف مريت بيها و كلنا بنغلط و لازم نغلط علشان احنا بشر بس المصيبة اننا بنغفل و بننسى، انا مش حتكسف من حد انا تبت من المشاهد دي و هي لا تصح و انا غلطت و بصلح و اهم حاجة ان ربنا يرضى عني لان في الاخر ده اللي حينفعنا مش الشهرة و لا النجاح لا هو مش نجاح أصلا علشان النجاح الحقيقي حاجة تانية خالص احنا اغلبنا ناسينها الا القليلين منا ."
الفن لو بيخلينا نبعد عن منهج ربنا و منبقاش قدوة لولادنا يبقي باطل و ميبقاش فن"

وختمت قائلة:"احنا كلنا عندنا امتحان في الدنيا دي و حابة افكرك بالفيديو ده يا تامر

اللي قولت فيه انا مش بتمنى أموت وأنا مطرب انا دايما خايف من كده.. كلام أكيد قولته في لحظة صدق جواك و جوانا كلناشوفه تاني يمكن يفكرك ان جواك اكيد في صراع و انا وكلنا بنغلط بس المهم في الاخر نتدارك الغلط و نصلح .{إِلَّا مَن تَابَ وَءَامَنَ وَعَمِلَ عَمَلاًصَـٰلِحاً فَأُو۟لَـٰۤىِٕكَ یُبَدِّلُ ٱللَّهُ سَیِّـَٔاتِهِمۡ حَسَنَـٰت وَكَانَ ٱللَّهُ غَفُورا رَّحِیما}.. الله على كلام الله وجماله يا سلام لو أصواتنا ومواهبنا كلها نستعملها في الخير عشان يبقى فن بجد.".

 

قامت حلا بنشر حديثها عن الفيلم وقامت بالفور بغلق التعليقات عليه، منعاً لحدوت إي جدال أو نقاشات لديها.

حقق الفيلم إيرادات مالية ضخمة في عدد من الدول العربية وصلت لأكثر من 11 مليون جنيه، 

وتدور قصة فيلم "مش أنا"،

حول حالة نفسية ما تصيب "حسن" تامر حسنى، تجعله لايتحكم في تصرفاته التي تضعه في مواقف محرجة مع من يتعامل معهم، بجانب علاقته القوية مع والدته المريضة التي يرعاها دون مساعدة أحد وفي نفس الوقت يبحث عن علاج لحالته النفسية النادرة.

الفيلم يشارك فى بطولته بجانب تامر حسنى، كل من ماجد الكدوانى، سوسن بدر، حلا شيحة، بالإضافة لعدد كبير من الفنانين،الفيلم قصة وسيناريو وحوار تامر حسنى، وإخراج سارة وفيق، الفيلم انتاج مشترك بين شركة سينرجى وحسام حسنى وأحمد دسوقى.