بعد أزمة شيرين عبد الوهاب الأخيرة | أحمد إبراهيم: ناس سودا ومفيش ضمير

أعرب الموزع الموسيقي أحمد إبراهيم، عن استياءه من استخدام البعض للتقنيات التكنولوجية الحديثة ومواقع التواصل الإجتماعي المختلفة في الأذى النفسي وإفساد العلاقات، بعد انتشار التسجيل الصوتي والذي نسبه البعض لوالد الفنان حسام حبيب، والذي كان فحواه نية الأخير في الاستيلاء على أموال زوجته شيرين عبد الوهاب.

 

اقرأ .. تسريب مسجل يدين حسام حبيب باستغلال شيرين عبدالوهاب.. فيديو

 

وخرج "حسام" ونفى علاقة والده حسين حبيب بهذا التسجيل، مضيفاً أن هذا الصوت لم يكن لوالده والهدف من ذلك افساد علاقته بزوجته شيرين عبد الوهاب.

 

 

وكتب أحمد إبراهيم، عبر حسابه الرسمي على موقع التواصل الإجتماعي "فيسبوك":" موضوع تسجيل المكالمات او الاسكرينات المنتشر مؤخرا عشان نفضح حد والشغل الحقير ده محبط جدا خصوصا اننا في مواقع تواصل مش داخلين نتعبد يعني كله بياخد ويدي عادي بحسن نيه، وخصوصا ناس كتير زيي اعرفهم بيتواصل وبيرد على ناس كتير وبيتفاعل مع كل الناس اعملهم ليكات لصورهم وبوستاتهم زي بيعملوا عندي ومش بحب احرج حد راجل او ست حقيقي او fake.

 

 

وأضاف "إبراهيم"، لو طلب مني مساعده او رقمي بتاع الشغل ويبعتولي ارقامهم نتواصل واتساب رغم انه منتشر خلقه او مكان الستوديو او حتى ناس جداد شعرا ملحنين مطريبن عازفين او صحفيين لمواقع محترمين او مدعين انهم صحفيين وبيبقوا فانز لنجوم او حتى ناس عاديه

محبين ليا بتواصل معاهم على سوشيال ميديا بقالنا سنين من غير ما اشوفهم.

 

 

واستكمل، لكن للاسف في ظاهرة ناس كتير اتعرضتلها ان في ناس بتكون مبعوته خصوصا للبنات او الشخصيات العامة .. الواحد احسنله يبطل يرد على اي حد احسن محدش ضامن حد وهرجع اخلي الناس اللي شغالين معايا يمسكوا الاكونتات كلها.

وقال، الفكرة لو ماردتش تبقى مغرور وقليل الذوق ولو رديت انت وحظك بقى يطلع محترم او يستغل ذوقك .

 

واختتم، المشكله انك كانسان عادي بتحتاج اكونت تعبر فيه عن حاجه زي فرحة بفوز فريقك او تفرح بجايزه او نجاح لشغلك وسط اهلك او تعيد على حد او تكلم صحابك القدام مش معقول دي كمان هنتحرم منها عشان ناس سودا معندهمش ضمير، كلامي عن وقاحة الظاهرة وانتشارها مش اكتر.

tags موضوعات ذات صلة

 

فيديو.. والد حسام حبيب يكشف حقيقة طلاق ابنه من شيرين عبدالوهاب