رئيس حزب الوفد

بهاء الدين أبو شقة

رئيس مجلس الإدارة

د.هانى سري الدين

رئيس التحرير

د.وجدي زين الدين

(فيديو) نجلاء بدر تعلن شفائها من فيروس كورونا

فن

السبت, 13 مارس 2021 15:00
(فيديو) نجلاء بدر تعلن شفائها من فيروس كورونانجلاء بدر

كتبت - إيمان محمد

أعلنت الفنانة نجلاء بدر، شفاءها من فيروس كورونا، وذلك عبر صفحتها الشخصية على موقع التواصل الإجتماعي الشهير "فيسبوك".

 

وكشفت "نجلاء" عن رحلة علاجها خلال مقطع فيديو عبر صفحتها قائلة : "يوم 22 فبراير أصيبت بفيروس كورونا، ربنا كان كريم معايا، والحمد لله عديت منها بأمن وسلام، وكنت في العزل في البيت مش في المستشفى، الفيروس مش سهل خالص".

 

شاهد الفيديو من هنا

 

وتابعت: "من أكتر الناس والفنانات اللي وقفوا جنبي ودعموني نفسيًا، الفنانة نبيلة عبيد كلمتني أكتر من مرة وبعتت لي رسائل، قد

إيه كانت رسايلها فيها حب واهتمام ودفا، اتفاجئت إن فيه ناس كنت مقصرة في حقهم، وكانوا معايا دائمًا زي أحمد السقا وزوجته مها الصغير".

 

وأضافت: "معرفش إزاي أصبت بكورونا، مش عارفة أحصر إمتى وفين، بس هي قريبة جدًا، كنت خايفة وبعمل الإجراءات الاحترازية، والأعراض اللي جات لي كانت بداية من فقدان حاسة الشم والتذوق، مكنتش باخد أدوية كتير بس أخدت كورتيزون".

 

واستكملت حديثها قائلة : "والأعراض بدأت تزيد

زي التكسير والحرارة وقلبان في البطن والمعدة وحاجات متغيرة، والأكسجين كان بيبنزل بيتراوح بين 91 و92، هو مش مفهوم له كتالوج ومرهق، وبعد المسحة وطلعت سلبي، سايب علامات".

 

وأضافت : "أهم حاجة الاكتشاف المبكر، والسوائل والمياه والراحة التامة، ممكن تكون جت عند ناس خفيفة، وناس تقيلة أوي، الكورونا مش حاجة حلوة ولا لذيذة، هو داخل يتسلى عليك ونقطة الضعف اللي عند الشخص".

 

واختتمت حديثها قائلة : "كنت كتبت يا غالب يا مغلوب، بخلاف الطاقة الإيجابية، وتجربة صعبة أوي حقيقي وفيه ناس كانت بتبعتلي أكل علشان اتغذى، وناس عمري ما شوفتها ولا عرفتها، عرفت بقيمتي عند ناس كتير أوي، وعدت حساباتي في حاجات كتير أوي".

أهم الاخبار