محمد فؤاد متحدثاً عن اللوك الجديد لـ بوستر "أحكيلك": استعنت بحذاء ابني عبد الرحمن في الصورة

كشف النجم محمد فؤاد، عن اللوك الجديد الذي ظهر به في البوستر الرسمي لأحدث أغنياته "أحكيلك"، حيث قال: "ده شغل ابني عبد الرحمن". 

 

اقرأ .. محمد فؤاد ضيف أنجى علي في أسرار النجوم .. الخميس

 

وأوضح "فؤاد" في تصريحات صحفية، أن صاحب اللوك الذي ظهر به علي بوستر أغنية "أحكي لك" هو ابنه وقال: " ده شغل عبد الرحمن ابنى، والفريق بتاعه وهو اللى مصورنى، وبسيبهم يقولولى ألبس كده أعمل كده وعاملين طفرة وتغيير فعلا، والهاف بوت اللى أنا كنت لابسه في الصورة ده بتاع عبد الرحمن نفسه وأنا قولتله بلاش بيلمع وكنت لابس واحد تانى مطفى وأتصورت بيه جينا بنشوف الصورة قالى أسمع الكلام ألبس التانى، وأنا عايز أشكره هو وفريقه.
 

 

وأضاف "فؤاد"، "إحنا عملنا خطة إن مفيش ألبوم هينزل تانى خالص انتهت كلمة ألبوم، أنا بعلنها أن إنهاردة نهاية عصر كلمة ألبوم، ممكن نستحدث شيء معين إنما مش ألبوم، إنما لابد نرجع للنهج اللى انتهجته العظيمة أم كلثوم خيث كانت تقدم حفلة أول خميس من كل شهر فكانت في حالة من المتابعة، أنا محضرتهاش ولكن كان والدى الله يرحمه يحكى لنا ، وكانت الست عاملة حالة تسويقية للبلد فى هذا اليوم، وصل الأمر أنه يقولك ايه اللى بيتباع في اليوم ده وكان أيه طقوس البيت المصرى فيه، وده معناه ذكاء الربط

الدائم بينك وبين الناس".

 

واستكمل، "يعنى ميبقاش محمد فؤاد قاعد سنتين عقبال ما يعمل ألبوم أو سنة ونص، أنت كل 20 يوم عايزين منك تطرح أغنية وتكون لطيفة جدا يعنى حاجة تنزل تبقى الناس مستقبلاها بشكل مش هو اللى كان في دماغهم، بس أنا هحاول طبعا ميحصلش ده يعنى اللى خلانى استنى سنين طويلة لطرح ألبوم ببقى حذر جدا منه إن يتقال عليه كده أو يقع بعد الشر يعنى بنسبة قليلة جدا ممكن أكون أخفقت في حاجة وده لازم يحصل طبعا، لكن المهم أن كل أغنية بتنزل مينفعش تكون شاكك فيها، يعنى لو أغنية أنا شاكك فيها مش هنزلها أنزل غيرها عندى البديل لابد أن يكون الإنتاج جيد".

 

يذكر أن أغنية "أحكيلك" ثاني تعاون بين محمد فؤاد والشاعر أسامة محرز بعد أغنيتهما "ليه"، التي طرحها مؤخرا وهي من ألحان وليد سعد وتوزيع خالد نبيل.