فادي خفاجة لأمير كرارة: نجاحك الكبير ده مش من فراغ

 وجه الفنان فادي خفاجة رسالة حب للفنان أمير كرارة بعد مشاركته في مسلسل "الاختيار"، وذلك عبر صفحته الشخصية على موقع التواصل الاجتماعي "فيسبوك".

 

 وكتب "خفاجة" عبر صفحته قائلًا: "الراجل ده ربنا كرمه من جمال قلبه.. باشا مصر الفنان الكبير المتواضع أمير كرارة أو أبوسليم.. قبل متتعامل معه تلاقيه في أثناء التصوير في عز الحر والشمس والصيام.. وتقريبًا في أماكن صحراوية تلاقيه بيتصور مع ناس وأطفال بسيطة ومبيكسرش بخاطر أي حد رغم أنه في وسط شغله والمجهود الجبار لشخصية المنسي".

 

وتابع: "تتعامل معاه بقى تلاقي الجدعنة والأخلاق العالية والرجولة والنجومية إللي بجد.. نجم كبير بجد.. بيحب يساعد كل اللي حواليه عشان يبقوا في أحسن صورة ليهم.. أنا مبسوط جدًا زي كل الناس اللي اشتغلت معاك".

 وأضاف: "واتعلمت منك حاجات كتير أهمها أن النجم اللي بجد بيقف جنب

الصغير قبل الكبير.. وبيتعب في شغله ويشقي عليه.. أنت فنان جميل وإنسان اجمل ونجاحك الكبير ده مش من فراغ لا.. ده لأنك مجتهد جدًا وبتتعب جدًا وقلبك صافي ونضيف جدًا.. ربنا يحبب فيك خلقه أكتر وأكتر لأنك تستاهل كل النجاح والخير.. واللي مشتغلش مع النجم أمير كراره فاتووووو كتير".

 

 واختتم حديثه قائلًا: "وأخيراً شرف ليا ولأي ممثل إنه يكون جزءًا من العمل العظيم ده اللي بيسرد حكايات لأبطال ضحوا بعمرهم عشان إحنا نعيش يومنا الطبيعي في أمان.. تحيا مصر وشهداء مصر وأبطالها العظام".