بعد نقلها للمستشفى.. الجمهور لمي حلمي ومحمد رشاد: قصة حب حرام تنتهي

 

تعرضت المذيعة مى حلمى، لوعكة صحية تم نقلها على أثرها إلى أحد المستشفيات الخاصة، بعد يومين من إلغاء زفافها على الفنان محمد رشاد بسبب خلافات عائلية، وأشعل خبر نقل "حلمي" إلى أحد المستشفيات نشطاء مواقع التواصل الاجتماعي المختلفة الذين تمنوا أن يعود الثنائي إلى بعضهما ويتم الزفاف عقب استقرار حالة مي الصحية.

وتستعرض "بوابة الوفد" لمتابعيها أبرز تعليقات الجمهور:

قالت علياء عز الدين "مي حلمي أسوأ حاجة في الدنيا الخذلان ربنا يشفيها علشان مفيش راجل يستاهل بجد".

فيما قالت هناء "مى حلمى المفروض فرحها كان م يومين وقبل ما يبدأ بساعتين شوفتلها فيديو وهي بتتصور فوتوسيشن بالفستان والفرح اتلغي ومتمش خالص ودلوقت شوفت فوتو ليها ومكتوب انها اتنقلت للمستشفي بسبب هبوط حاد ربنا يشفيها الخلاصه داري ع شمعتك تقيد مش كل حاجه نحكي عليها ونوريها للناس العين فلقت الحجر".

وأضاف آخر "بعد الغاء حفل زفافها بساعات.. مى حلمى في المستشفى وأنباء عن تعرضها لجلطة في القلب ، ربنا يقومها بالسلامة ويرجعو لبعض أنا مصدوم ومش مصدق اللي بيحصل دا حرام قصة حب زي دي تنتهي بالطريقة دي".

في حين قال بن زعفران "لما شوفت الل حصل لمي حلمي وبعد مالبست فستانها واتصورت وعريسها سابها ف القاعة وجالها جلطة ف المخ وده كله بسبب اننا بنسبق الاحداث نقعد نتصور وننزل الخروجات ونصور الفستان والحورات الل بتحصل كلها وكل شوية صورة مع خطيبها وغير وغير وف الاخر ياا مولاي كما خلقتني من الاخر داري ع شمعتك".

وقال سيف هيثم "الموضوع كبير و 90% من الناس بتردد كلام بيتقال و مش معروف هل هو صحيح ولا مزيف غير الإعلام و السوشيال ميديا اللي طالعين يشوهوا في صورة مي و محمد بشكل عشوائي ببساطة مي هتقوم بالسلامة و هي اللي هتحكي بنفسها و اظن ان رد محمد كافي لإنهاء اي جدل وخلينا مع الصحف الموثوق فيها".