أيمن بهجت قمر عن نجاح فيلم البدلة: علاج لأصعب فترات حياتي

كتبت- تقى عادل:

كتب الشاعر والسيناريست أيمن بهجت قمر، عن النجاح الكبير لفيلم "البدلة" أنه ليس نجاحا عاديا فحسب بل نجاح شخصي، وذلك عبر صفحته الرسمية على موقع التواصل الاجتماعي الشهير"فيسبوك".

وعلق أيمن قائلًا: "نجاح فيلم البدلة بالنسبالي مش نجاح عادي لفيلم أنا كتبته.. لأ.. ده نجاح شخصي ليا وبعتبره كإنه علاج لفتره مرت عليا من أصعب فترات حياتي لإني كتبته في ظروف عشان تكتب فيلم كوميدي فيها يبقى أنت جبلة أو مابتحسش لكن بصراحة كل اللي حواليا ساعدوني في تحقيق ده بداية من تامر ووليد وإكرم ومحمد وكل الناس".

وتابع قائلًا: "كنت محتاج أنجح قدام أولادي بهجت وأدهم عشان هما شافوا معايا موقف في السينما في الفيلم اللي قبله وسمعوا واحد من الجمهور بيسب في مؤلف الفيلم وزعلوا وأنا فهمتهم إن ده فن ومادام نزل يبقى ملك الناس يعني

هما أحرار في رأيهم بس من جوايا كنت بدعي ربنا يصلح الموقف ده وبسرعة عشان خوفت إيمان ولادي بيا يتهز لإنهم صغيرين ومش فاهمين.. خلاصة الكلام ربنا دايما بيدي للي بيتعب وبيخلص ومحدش بيخسر كل حاجه أو بيكسب كل حاجه ٢٤ قيراط ربك مقسمهم وعالم بينا وبخبايانا صباحكوا فل"

يذكر أن أيمن صاحب السيناريو والحوار لفيلم "البدلة"،والذي تخطى حاجز ال40 مليون جنيه منذ عرضه على شاشات السينما في موسم عيد الأضحى السينمائي الماضي، الفيلم من بطولة: تامر حسني، أكرم حسني، أمينة خليل،ماجد المصري، محمود البزاوي.