ياقوطة.كوم.. سهلة ومضمونة ومش مجنونة
كتب- جهاد عبد المنعم:
ياقوطة.كوم Yaoota.com هو أول محرك بحث مصري يعمل كأنه "مول أون لاين" بيجمع كل السلع في مكان واحد عشان يساعد مستخدميه على مقارنة الأسعار والمنتجات المتاحة على كل مواقع التسوق الإلكتروني و المتاجر المختلفة. ياقوطة متعاقدة مع أكثر من 100 متجر وموقع وبكده بتضمن لمستخدميها اكبر فرصه للتعرف علي الاسعار المختلفه و مقارنتها قبل اتخاذ قرار الشراء. حاليا الموقع بيسعي للتوسع في أفريقيا والشرق الأوسط عموماً.
وسبب تسمية الموقع بهذا الاسم هو نسبة للطماطم أو القوطة كما يطلقه عليها بائعو الخضروات في الأسواق " مجنونة ياقوطة" لجذب الزبائن وعشان الطماطم معروفه بأسعارها الجنونيه اللي بترتفع و تنخفض باستمرار.
ازاي تستخدم موقع . ياقوطة :
الاستخدام سهل وبسيط زي أي محرك بحث، أول خطوة هتدخل علي موقع Yaoota.com هتكتب اسم المنتج اللي عاوزه في مربع البحث " عايز تشتري ايه؟".
بعدها هتظهر صفحة نتائج البحث ويمكنك من خلالها تحديد نطاق السعر وفقا لميزانيتك من خلال خيار”تحديد نطاق السعر” على يمين الصفحة.
يستطيع المستخدم اختيار البحث في أقسام محددة مثل “هواتف محمولة، لوازم منزلية ، لوازم اطفال ، كمبيوتر ، موضة وجمال، كتب وترفيه، أدوات رياضية ، و غيره.
يمكن ايضا للمستخدم تحديد المتجر الذي يود الشراء منه يمكنه النقر على زر اشتري بجوار اسم المتجر مثل، اشتري من جوميا أو اشتري من سوق دوت كوم.
ممكن حفظ المنتجات لشرائها فيما بعد لكن يجب على المستخدم للاستفادة من هذه الميزة تسجيل الدخول في الموقع بحسابه في فيسبوك أو جوجل أو من خلال إنشاء حساب جديد باستخدام عنوان بريده الالكتروني
ايه المفيد في استخدام ياقوطة :
تعرض ياقوطة اكبر عدد ممكن من السلع في مختلف المتاجر ومواقع التسوق الالكترونية
يتم تحديث الاسعار لحظيا و كل دقيقه لتجنب اي تعارض او تضارب في الاسعار المعلنه.
يضمن لك الموقع التسوق الآمن من خلال متاجر ومواقع تسوق مضمونه وموثوق بها
تقدم ياقوطة مقارنة بين كل الأسعار المتعلقة بالمنتج الذي يرغب المستهلك في شرائه، بحيث يتمكن من معرفة المكان الذي يبيع المنتج بسعر أرخص أو اختيار الأنسب لميزانيته.
ياقوطة بتقدم لمستخدميها دليل لشراء المنتجات بتوضح فيه مميزات و عيوب كل منتج وكمان رأي المستخدمين فيه وده من خلال مجله ياقوطة . في المجله دي ياقوطة بتعرف مستخدميها بكل جديد في السوق ، مواصفات كل منتج وازاي تختاره . وكمان معلومات عامة عن اهم المنتجات اللي كلنا بنستخدمها ومانعرفش تاريخها او ازاي وصلت لينا بالشكل ده. والمجله فيها كمان نصائح لصيانه ونظافة الاجهزه المنزلية.
لو اي مستخدم عنده سؤال ممكن يتواصل مع ياقوطة من خلال صفحتها علي الفيسبوك facebook.com/yaoota/ او يسيب تعليق في المجله.
ياقوطة بتوفر وصفا تفصيليا لكل منتج مع صور له كي يتمكن المستهلك من إتخاذ قرار الشراء بأفضل وأسهل طريقة.
يستطيع المستخدم التعرف بسهولة من خلال ياقوطة على سياسة الدفع الخاصة بكل متجر
ميزه هامة في ياقوطة انها ليست متجرا الكترونيا يبيع منتجات لكنه دليل يوفر أسعار المنتجات في أكثر من 100 متجر مختلف .ده يعني انه الهدف هو مساعدة وارشاد المستخدم للوصول لما يريده في اي موقع او متجر و الحصول علي افضل سعر لهذا المنتج.
موقع ياقوطة سهل الاستخدام ومتوافر هو و مجله ياقوطة بالعربي و الانجليزي وفي تطبيق ياقوطه ل اندرويد و iOS.
الشراء عن طريق الانترنت من خلال ياقوطه بيكون آمن لكن عموما عند قيامك بالشراء عن طريق الانترنت لازم تاخد بالك من الآتي :
دوّر على الـ https: بص في محرك البحث عن الحروف اللي بتسبق اسم الموقع، لو لقيت (https) قبل اسم الموقع مش (http) بس، اعرف إن الموقع آمن. وحرف الـ S بيشير إلى كلمة Secured
دوّر على علامات للتأكد إن الشركة حقيقية، زي إن عنوان الشركة أو رقم الهاتف مش مزيفين. ضيف على كده التأكد من وجود سياسة لإرجاع السلعة اللي حصلت عليها واستعادة أموالك (Return Policy) وسياسات شحن السلعة (Shipment Policy) وبيان لخصوصية المعلومات اللي هتمنحها للموقع (Privacy Statement).
المواقع المزيفة: في بعض المواقع المزيفة اللي بتقلد المواقع الأصلية في شكل الصفحة الرئيسية وبتطلب منك تدخّل بياناتك وبعدها بيتم سرقتها، وهنا لازم تتأكد من اسم الموقع. موقع amazon.com من الممكن حد يزيفه تحت اسم amazon.com وبالتالى تفدر تكتشف الاحتيال عن طريق الاسم.
استخدم الـ Credit Card بدل الـ Debit Card: لإنه الأكتر أمانًا زي ما قلنا قبل كده.
ما تصورش ظهر البطاقة إذا اتطلب منك: لإن على ظهر البطاقة يوجد الـ كفء، وده رقم سري خاص بالكارت يمكنك من إتمام عملية الشراء. إذا حد طلب منك صورة لظهر الكارت ما توافقش، لإنه هيقدر ساعتها ياخد الرقم ويسرق رصيدك. وما تديش رقم الـ CVV2 الخاص بيك إلا لما تتأكد إن الوقع آمن وبيشفر رقم الـ CVV2 زي ما بيعمل مع كلمة المرور الخاصة بيك.
