رئيس الحزب

ورئيس مجلس الإدارة

بهاء الدين أبو شقة

رئيس التحرير

وجدي زين الدين

الأقوال المستباحة في النقد والصراحه

بخيت بيومي

الثلاثاء, 09 أغسطس 2011 12:34
بقلم - بخيث بيومي

< إلي حبيب العادلي اللي كان وزير داخلية:

بدلتك الزرقة عجباني

وضحكتك في القفص غيظاني!!

بقولك إيه

 

اضحك براحتك واقطع دراعي

لو شفت الشارع تاني!!

 

< إلي اتحاد عمال مصر:

لما تتجلي قدرة رب العباد

في أي نقابة أو اتحاد

يكشف براكين الفساد!!

 

< الفنان والانسان نصير شمة عميد بيت العود العربي:

في زمن الاورج والجحود

سيظل اسمك يا نصير العود

علي هرم الموسيقي العربية موجود!

 

< إلي الأخوين علاء وجمال مبارك:

واقفين في القفص

عاملين فرقة

وشايلين مصاحف

متعرفوش ربنا إلا وقت زنقة

علي كل حال باقي كام جلسة

وتلبسوا البدلة الزرقة!

 

< إلي الفريق حسني مبارك اللي كان رئيس جمهورية:

اللي يهين الشعب الكبير

ويتفرعن علي الجماهير

تبقي آخرته قفص ومحكمة وسرير!!

< الي نهال كمال رئيس التليفزيون:

علشان تزيعوا البرامج العبيطة

والزيطة والزمبليطة

لغيتوا حلقات المسحراتية من علي الخريطة!

 

< إلي اللواء طارق المهدي محافظ الوادي الجديد:

تستاهل!

 

< إلي المستشار أحمد رفعت رئيس محكمة القتلة والحرامية:

اللي يحاكم الفرعون وأذنابه

يدخل التاريخ من أوسع أبوابه!

 

< إلي الفنان فاروق حسني اللي كان وزير ثقافة:

بيقولك أبو اسماعيل

الرسامين المتفتحين اللي فاهمين

يطلعوا من أي ورطة

زي ما تطلع الشعرة من العجين!

 

< إلي الصحفي الأستاذ عبدالقادر محمد علي أخبار اليوم:

صاحب القلم

الساخر المحترم

ارفع له القبعة والعلم!

 

< إلي المحامي المصري الجميل بهاء الدين أبو شقة:

مصر بعتالك معايا

توكيل وشكوي ومظلمة

عايزاك تروح تدافع عنها في المحكمة!

 

< إلي الأستاذ الوفدي الأصيل علاء عبدالمنعم:

عايز أقولك واللا أقولك

مش حقولك م أنت عارف

قصدي إيه من غير م أقولك؟

 

< إلي مجلس ادارة نادي الزمالك:

عشان تبطلوا خناقات!

واستقالات

وتحلوا كل الازمات!

جربوا واستوردوا مجلس ادارة خواجات!