رئيس الحزب

ورئيس مجلس الإدارة

بهاء الدين أبو شقة

رئيس التحرير

وجدي زين الدين

الأقوال المستباحة في النقد والصراحة

بخيت بيومي

الثلاثاء, 02 أغسطس 2011 09:29
بقلم: بخيت بن بيومي

< إلي الدكتور عصام شرف رئيس الوزراء

بيقولك ربيع أبوالسباع..

عشان تضبّط الأوضاع..

قبل تغيير المحافظين..

شيل الدلاديل والأتباع..!!

< إلي محافظ القاهرة

البلطجية والبياعين

احتلوا الشوارع والميادين

أشكيك لمين؟

للحكومة

واللا للشعب

واللا لرب العالمين..!!

< إلي الفنان إيمان البحر درويش نقيب الموسيقيين

يا حفيد سيد درويش

النقابة مليانة حرافيش

عشان ترفع مستواها

نضفها من الخطافة والخفافيش..!!

< إلي محافظة الدقهلية

مسكينة يا ست الحلوين..

من بعد فخر الدين..

بختك مايل يا حبيبتي في المحافظين..!!

يا تري يا هل تري

اللي جاي لك مين..!!؟

< إلي وزير الإعلام أسامة هيكل

ورحمة خالتي الحاجة سمرة..

اللي بيحصل في المبني ده مؤامرة..

ولو مبينتش العين الحمرة..!!

حتلاقي نفسك ماشي من غير حرس

علي كوبري غمرة..!!

< إلي المطرب أبوالليف

المذكور أعلاه مطرب وفنان

اختفي في ظروف غامضة

ولازال البحث جاريا عنه حتي الآن..!!

< إلي المستشار جلال إبراهيم رئيس نادي الزمالك

أنا لو رئيس هيئة رياضة مسئولة

لمقدرتك المهولة

أمنحك وسام الصبر الرياضي

من الدرجة الأولي..!!

< إلي وزير الثقافة الأستاذ عماد أبوغازي

علي رأي الأستاذ عباس

لو عايز تعمل مجتمع فيه ناس

العمل والثقافة هما الأساس..!!

< إلي قنوات تليفزيون الحياة

الفلوس تعمل عمايل

ياما بتسوي الهوايل

تخللي أي قناة في مصر

إنتاجها يبقي عظيم وهايل..!!

< إلي الكابتن أحمد حسن النادي الأهلي سابقا

جمهور الزمالك بيقول

الأهلي خلص عليه

طب بعد سبعة وتلاتين سنة

حيدّي للزمالك إيه؟..!! عجبي

< إلي المؤلف الكبير الأستاذ فيصل ندا

اللي يرفض جايزة المهرجان

يبقي نجم من نجوم

الدراما العربية

في هذا الزمان..!!

< إلي الرئيس السوري بشار الأسد

بعدما وصلت الشعب السوري

إلي مرحلة الانفجار

لم يتبقي لك سوي

أن تفكر في التنحي أو الفرار..!!

< إلي عبدالله المصري الغلبان مجهول العنوان

المذكور أعلاه أهلاوي كبير

ومشجع كورة خطير

علما بأنه فقير

بعد هزيمة الأهلي في تونس

أعلن الاضراب عن الطعام

واعتصم في ميدان التحرير..!! عجايب..!!