رئيس الحزب

ورئيس مجلس الإدارة

بهاء الدين أبو شقة

رئيس التحرير

وجدي زين الدين

الأقوال المستباحة في النقد والصراحة

بخيت بيومي

الثلاثاء, 07 يونيو 2011 09:41
بقلم ـ بخيث بيومي

< الي الرئيس اليمني علي عبدالله صالح:

علي رأي المثل

مش كل مرة

تسلم الجرة

اسمع كل العقل

وخليك برة!!!

< الي سامي الشريف اللي كان رئيس اتحاد الاذاعة والتليفزيون:

ربنا أنقذك يا دكترة

قبل ما تدخل في مسلسلات

القطاع الخاص والفنجرة

وتحصل أسامة الشيخ

في ليمان طرة!!!

 

< الي أبلتي العزيزة اعتماد خورشيد:

فتحتي علي نفسك فتحة

السيرة الذاتية واضحة

ولو انتي ناصحة

كفاية.. واقلبي الصفحة!!!

 

< الي الفريق حسني مبارك اللي كان رئيس جمهورية:

ياللا

تقارير من هناك

وتقارير من هنا

ومحاكمته هناك

واللا هتا

حلنا علي بال ما ييجي 3 أغسطس

يفرجها ربنا!!!

 

< الي الفنانة الراحلة سعاد حسني:

خلاص قبضوا علي الشلة

نامي وارتاحي يا سندريلا!!!

 

< الي الكابتن عصام الحضري حارس مرمي مصر:

لياقتك البدنية العظيمة

دعوات خالتي حليمة

أنقذت مصر من الهزيمة!!!

 

< الي صفوت الشريف اللي كان كل حاجة في مصر:

الحياة رحلة

وحفلة

وتفضل تحلي.. تحلي.. تحلي

بس الرك يا عم ع القفلة!!!

 

< الي العميد محمد مدكور مأمور

قسم الأزبكية:

خلاص غير اليافطة

واكتب عليها

الشعب في خدمة الشرطة

 

< الي المجلس الاعلي للقوات المسلحة:

مطلوب رئيس جمهورية

خبرة في الاصلاح

عبقري في السياسة

وابن بلد.. فلاح

يمشي من غير حراسة

في المساء والصباح

وزي قطط الشوارع

بسبع ترواح!!!

 

< الي النقاد الرياضيين في كل مكان:

لا أراكم الله مكروهاً

في فريق قومي لديكم

ولا عزاء لجماهير الاهلي والزمالك

وأعضاء الجبلاية!!!

< الي سيف الاسلام القذافي:

اعلان

مطلوب توريد أنفار

من تشاد ومالي وزنجبار

لقتل الليبيين الثوار

والاحرار من كل الاعمار

تسعيرة الجثة 95 دينار

< الي الدكتور عصام شرف رئيس الوزراء:

علشان يعود لمبني

ماسبيرو الالتزام

والحيوية والاحترام

لابد من وجود وزير اعلام

ولو مؤقتاً لمدة عام!!!