لبن تمر هندي ومهلبية..!!
< إلي="" الدكتور="" هشام="" قنديل="" رئيس="" وزراء="" مصر="">
بيقولوا في بني سويف
ياريت يعملوا وزارة للبطالة والزبالة
يبقي انجاز ظريف
ويا سلام لو عملوا وزارة لانقاذ الرغيف من المرمطة ع الرصيف..!!
< إلي="" المطرب="" كاظم="">
اعلان
مطرب حبس نفسه
في اشعار نزار قباني
خرج من الصف الاولاني
ولم يعد تاني
من يجده يتصل بإذاعة الاغاني!
< إلي="" عماد="" البناني="" رئيس="" المجلس="" القومي="">
لما تفتش ملابس اللعيبة
في الدورة الاوليمبية
تبقي الادارة في المجلس كفتة
لبن تمر هندي ومهلبية..!!
< إلي="" ممدوح="" الولي="" نقيب="">
علي رأي الاستاذ غريب
اللي يشجع ثقافة الاكاذيب
والزعابيب والكتاتيب
لا ينفع صحفي ولا نقيب..!!
< إلي="" منير="" فخري="" عبد="" النور="" اللي="" كان="" وزير="">
علي رأى مواطن صريح
ساكن في عزبة الصفيح
الوزارة اللي جوها غير مريح
وفي مهب الريح
ابعد عنها واستريح..!!
< إلي="" الدكتور="" محمد="" مرسي="" رئيس="">
علشان ربنا يهدي الوزارة
اللي جايا
ويكتب لها الدوام والهداية
علق علي صدر كل وزير
خمسة وخميسة وكام آية
وسبحة تسعة وتسعين حباية..!!
< إلي="" ممدوح="" عباس="" رئيس="" نادي="">
احلف لك بالتلاتة
وباتفاقية الجاتة
علشان عيون شيكابالا
ضحيت بحسن شحاتة..!!
< إلي="" الدكتور="" كمال="" الجنزوري="">
بيقولوا في الدقهلية
عمدة من عشاق الجنزوري
وأحبابه
حيعمل له تمثال في مدينة
شربين علي حسابه..!!
< إلي="" المفكر="" السياسي="" الدكتور="" حسام="">
العبقرية الدبلوماسية
المصرية
الجديرة بالثقة الوطنية
تشرف أي حقيبة وزارية
وتستحق التحية..!!
< إلي="" الفريق="" ضاحي="" خلفان="" قائد="" شرطة="">
علي رأي واحد بلدياتنا
اللي يخاف علي عروبتنا
يبقي مننا ويهمنا
ونفديه بروحنا وبحياتنا..!!
< إلي="" الرئيس="" السوري="" بشار="">
علي رأي خواجة امريكاني
اللي بالمجهود الايراني
يقدر يخلص علي شعبه في ثواني
الصين وروسيا يجهزوله شعب تاني..!!
< إلي="" الكابتن="" هاني="" رمزي="" المدير="" الفني="" للفريق="">
وفي الختام
التحية والسلام
والتمثيل المشرف علي الدوام..!!
< إلي="" عبد="" الله="" المصري="" الغلبان="" مجهول="">
المذكور أعلاه
جات له حالة
من الفقر والبطالة..!!
وماشي في الازبكية
والفجالة
ومعاه مراته وأم ربيع الشغالة
وبينادي بمليونية للزبالة..!!