رئيس حزب الوفد
د.عبد السند يمامة
رئيس مجلس الإدارة
د.أيمن محسب
رئيس التحرير
د. وجدى زين الدين
رئيس حزب الوفد
د.عبد السند يمامة
رئيس مجلس الإدارة
د.أيمن محسب
رئيس التحرير
د. وجدى زين الدين

قاهرة المعز في اسوأ مرحلة

< إلي="" محافظ="" القاهرة="" الدكتور="" عبدالقوي="" خليفة="">

قاهرة المعز في اسوأ مرحلة

متبهدلة..!!

ومهملة..!!

وشوارعها فوضي ومزبلة..!!

< إلي="" حبيب="" العادلي="" اللي="" كان="" وزير="">

دنيا

فيها ناس آخرتها فل وغندرة

وناس آخرتها كعبرة

وتموت كمان في ليمان طرة..!!

< إلي="" الخواجة="" الأمريكي="" برادلي="" المدير="" الفني="" للمنتخب="">

الخطة في ماتش موزمبيق

كانت أونطة

حتقوللي

انت ترد يللي بشرطة

يدوب توصلنا البرازيل

عن طريق مالطة..!!

إلي مجلس الشوري

وجودك زي عدم وجودك

مفيش من وراك خير

غير التحضير والتفكير

في الصحافة القومية

وتغيير رؤساء التحرير..!!

< إلي="" المهندس="" محمد="" رضا="" إسماعيل="" وزير="">

الشعب المصري غلبان

والمبيدات المغشوشة

في كل مكان

ومش ناقص فشل كلوي

ولا وباء السرطان..!!

< إلي="" الدكتور="" حسن="" يونس="" وزير="">

ربنا يدي لك الصحة

ولا يحرمك من الحوافز والبدلات

وينورلك مصر

في كل الاتجاهات

ويكفينا ويكفيك شر البلطجية

وحرامية الكابلات..!!

< إلي="" الأستاذ="" فيصل="" الجمال="" المدير="" المالي="" لحزب="">

قدام الكعبة حغني لك

وأقول يارب وحدعي لك

يسترها معاك

واحنا وياك

وتدينا قبل ما يدي لك..!!

< إلي="" الرئيس="" السوري="" بشار="">

نار الشعب قايده

مفيش فايدة

ومفيش داعي للمناورة

والمحاورة والمزايدة

في طيارة أو سفينة

اخلع النهاردة..!!

< إلي="" المجلس="" العسكري="">

بيقولك عم منسي

الماتش النهائي علي كرسي

الرئاسة بين شفيق ومرسي

طب لو الماتش باظ

اوعي حد يخطف

منك الكرسي..!!

< إلي="" مجلس="">

علي رأي الفيلسوف شهبور

دولة بلا دستور

كعمارة بدون ميه ولا نور..!!

< إلي="" الرئيس="" المخلوع="" حسني="">

بتقولك الحاجة تفيدة

دماغك الناشفة العنيدة

تستاهل التأبيدة

وتدوب في عرق الزنزانة

البدلة الزرقة الجديدة..!!

< إلي="" الأستاذ="" محمد="" عبدالمتعال="" رئيس="" قنوات="" تليفزيون="">

عايز أقولك

واللا اقولك

مش حقولك

م انت عارف قصدي ايه

من غير م اقولك

< إلي="" الإعلامي="" سعد="" عباس="" رئيس="" صوت="">

الراجل اللي آخر انضباط

اللي يستاهل التحية

من اسوان لغاية دمياط

اللي رغم الأزمة المالية

بحداقة ودبلوماسية

هو اللي يلاعب المراكبية

ويمشي المراكب ع البلاط..!!

< إلي="" المطرب="" محمد="">

اللي يغني يا بيوت السويس

ويتجاهل اسم محمد حمام

يبقي خاين العيش والملح

والمحبة والاخوة واحترام..!!