إلي المحترم عمرو موسي المرشح لرياسة الجمهورية

< إلي="" المحترم="" عمرو="" موسي="" المرشح="" لرياسة="">
احلف بشرف شمشون ودليلة
انت الوحيد
اللي تنفع تشيل الشيلة
التقيلة
لمدة أربع سنين
وتسلمها لشباب العيلة..!!

< إلي="" الضابط="" محمد="" الشناوي="" قناص="" عيون="">
نشنت يا فالح
يا ويلك من ربنا
مش حيسامح..!!
وياويلك من الزمن
من هنا ورايح..!!
< إلي="" الشيخ="" السلفي="" حسن="">
آخر كلام
قالهولي الحاج عبدالسلام
مصر مبتهنش إلا علي ولاد الحرام..!!
< إلي="" المرشحين="" لرياسة="" الجمهورية="">
ساركوزي بارك لأولاند
بعد فوزه في الانتخابات الفرنسية
شفتو الأخلاق
والروح الديمقراطية
ياريت نتعلم شويه..!!
< إلي="" خادم="" الحرمين="" الشريفين="" الملك="" عبدالله="" بن="">
يا ملك الأخوة والأحبة
يدوم الصلح والسماح والمحبة..!!
< إلي="" المشير="" محمد="" حسين="" طنطاوي="" رئيس="" المجلس="" العسكري="">
بيقولوا في البلد يابو خالو
لا اللي حينجح حيتهني بنجاحه
ويرتاح باله
ولا اللي حيسقط حيسكت
ويسيب اللي نجح يستلم
البلد ويشوف حالو..!!
ربنا يستر..!!
< إلي="" الخواجة="" مانويل="" جوزيه="" المدير="" الفني="" للنادي="">
لك حق تعمل أكثر من كده
لو كان صالح سليم موجود
في العصر ده
مكنش سابك تتحكم في النادي الأهلي
بالشكل ده..!!
< إلي="" رجل="" الأعمال="" اللي="" كان="" هربان="" حسين="">
ما طار طير وخلع
الا كما خلع وقع.. ورجع..!!
< إلي="" المهندس="" حمادة="" سلطان="" وزارة="">
اللي يحارب المفسدين
المحبوسين
وأقطاب الفساد
ربنا يبارك له في صحته
وف لقمته والمدام والأولاد..!!
< إلي="" الدكتورة="" نعمات="" أحمد="">
يا بنت الحلال
علشان قلمك الجرىء
في كل مجال
احبابك بيدعولك
بالصحة وراحة البال
والانتصار علي كل الأحوال..!!
< إلي="" الدكتور="" عبدالمنعم="" أبوالفتوح="" المرشح="" اللي="" استقال="" من="">
تحلف لنا نصدقك نقرا تاريخك
ونقول كلام رجاله..
طب لو بقيت رئيس
فيا تري يا هلتري حتسحب الاستقالة..!!
< إلي="" العظيمة="" ميلدا="" حسن="">
يا تري انتي فين يا ميلدا
وحشتينا ايه اخبارك
ياللي القمر جارك
اقصد نجمة مصر
ونجمة فرقة رضا في عصرها الذهبي
العزيزة علينا الفنانة فريدة فهمي..!!
< إلي="" وزير="" الإعلام="" المناضل="" أحمد="">
مبروك الانضباط
الإعلاميين آخر انبساط
لأن حضرتك قدرت بذكاء
ووعي إعلامي
تمشي المراكب ع البلاط..!!
< إلي="" رجل="" الأعمال="" محسن="" جابر="" صاحب="" عالم="" الفن="" وقنوات="">
عايز تدخل الجنة من غير حساب..
ارجع لجمعية المؤلفين وصفي الحساب..
وساهم في معاش الغلابة ينوبك ثواب..!!
< إلي="" كابتن="" شيكابالا="" نادي="">
بيقولك المعلم خليل
مهما كنت لعيب حريف وجميل
تصرفاتك يا أسواني يا أصيل
بتأكد لنا ان عمرك في الملاعب
مش طويل..!!

---
لبخيت بن بيومي صاحب المساحة