تبقي انت والأمم المتحدة

< إلي="" كوفي="" عنان="" مبعوث="" الأمم="" المتحدة="" في="">
لما المراقبين يبقوا مجموعة
والخطط موضوعة
وسماعة السلام في دمشق مرفوعة
تبقي انت والأمم المتحدة
بتنفخوا في قربة مقطوعة..!!

< إلي="" المساجين="" الفلسطينيين="" المضربين="" عن="" الطعام="" في="" سجون="">
تضربوا عن الطعام
وعن الكلام
بس المهم تدعوا علي
القادة العرب بالموت الزئام..!!
< إلي="" الصحفي="" الأستاذ="" محمد="" مصطفي="">
الجرنان اللي يرجع لمؤسسينه
يبقي قرار في محله
زي اللي يدوا العيش لخبزينه
حتي لو يكلوه كله..!!
< إلي="" المجلس="" الأعلي="" للقوات="">
بيقولك المعلم عنترة
ياراجل ياسكرة
خللي بالك من الحزب اللي نايم
في القصب
والحزب اللي نايم في الدرا..!!
دول ناويين يرجعوا مصر
خمسين سنة لورا..!!
< إلي="" رئيس="" حزب="" الحرية="" والعدالة="" محمد="" مرسي="" «الدوبلير="">
يا عم الحاج مرسي
خللي مراكب الأمان ترسي
وخليك في التدريس
وملكش دعوي بالكرسي..!!
< إلي="" الكابتن="" عمرو="" زكي="" نادي="">
بيقولوا في الأمثال الرياضية
اللي يتبرع لناديه
في الظروف الحالية
ربنا يبارك له في عضلاته
ولياقته البدنية..!!
< إلي="" أحزاب="" مصر="">
يا بلحة يا مقمعة
البلد مولعة
تروحي كده
تيجي كده
كل السكك متقفلة
كل الحبال متقطعة..!!
< إلي="" صلاح="" أبوإسماعيل="" المرشح="" اللي="" كان="" محتمل="" لرياسة="">
دقي يا مزيكا
اللي يرمي بلاويه علينا ياويكا
نمسحه بأستيكة
ولا تنفعوا ايران ولا إسرائيل
ولا أمريكا..!!
< إلي="" فضيلة="" المفتي="" الشيخ="" علي="">
لا كلام
ولا عتاب
ولا ملامة
اللي يدخل المسجد الاقصي بكرامة
وبدون تأشيرة إسرائيلية
يستاهل التحية
ومليون سلامة..!!
< إلي="" عمنا="" الكبير="" الساخر="" محمود="" السعدني="" في="">
ولاد البلد
باعتين لك رسالة
وبيقولوا لو كنت موجود
وشفت الاعتصامات والندالة
والسفالة
كنت قلت قوالة..!!
إلي الدكتور سعد الكتاتني رئيس مجلس الشعب
مش قلنالك المجلس العسكري
مش حيسيبها سداح مداح
حيطول باله
ويشوف حاله وساعة الجد
حيقفلها بالضبة والمفتاح..!!
< إلي="" موسيقار="" الأجيال="" محمد="" عبدالوهاب="" في="">
يا صاحب الفن الأصيل
واحد وعشرين سنة
عن الرحيل
ولازلنا نسمع في شطك الجميل
مقالت الريح للنخيل..!!
< إلي="" كابتن="" صالح="" سليم="" اللي="" كان="" رئيس="" النادي="" الأهلي="" في="">
الله يرحمك
يا ابن الاصول
وصاحب الكلام المعقول
جماهير النادي الأهلي كانوا
محتاجين حكمتك اليومين دول..!!
< إلي="" عبدالله="" المصري="" الغلبان="" مجهول="">
المذكور أعلاه والبلد من غير رئيس
والشوارع مليانة خلابيص ومتاريس..!!
والفقر في البلاليص قرر يفرح ويهيص
انضم لطابور المتاعيس واعمل عريس
والفرح يوم الخميس..!!
----------

لبخيت بن بيومي صاحب المساحة