رئيس الحزب

ورئيس مجلس الإدارة

بهاء الدين أبو شقة

رئيس التحرير

وجدي زين الدين

واتس آب الوفد.. مواطن يرسل قصيدة شعر بعنوان "دا مش إنسان"

المواطن الصحفى

الخميس, 03 يناير 2019 13:39
واتس آب الوفد.. مواطن يرسل قصيدة شعر بعنوان دا مش إنسان

 استمرارًا لتواصل القراء مع خدمة واتس آب الوفد "المواطن الصحفي"، أرسل الشاعر سامح فكري رتيب

دا في حكمته مالهش زاي و لا مثال

و في خيره حاجة كدا من أصول الجمال

و لا بس محبته اللي شيء يفوق الخيال

و في قوة خطوته ينهز جذور الجبال

و بلمسته يخدك لعالم بستان من الأحلام

ويرسم ابتسامة في عز الوجع و الآلام

و لا حلوة كلمته بلسم يطيب التعبان

الكلمة ليها حساب دا كلام موزون بميزان

يسمع سكاتي قبل حروف الكلام بأوان

أقول له تعال معايا ألقاه قبل الزمان

افرح في جانبه و أرنم في حزني كمان دا مش إنسان و هو عزوتي في الزمان

ماسك بأيدي و يعبر بيا كسحبة فوق الجبال

و في تخطيطه فنان ما يخطرش علي البال

ينقش في الأيام بألوان فيها فرح و أنغام

تسمع عزفها تملأ القلوب الخايفة سلام

و بينه و بين قلوب الناس وفاق و وئام

ينحب عشان قبلها هو حب و دا مش كلام

و رفيقي في كل درب و إن كان علي الجد يتحب

و تسكنه جوا العقول و العين و القلب

و لو ماشي في طريق مسدود ألقي ألف باب

لو المشاكل واقفة طوابير عمل لها حساب

و كل شيء معاه لخير و كل بزمان

و مكان ما حلاوته في الانتظام و بالصبر كل حاجة بأوان

صدقوني أنا مهما قلت فيه ما خدش حقه كمان و أفضل أوصف فيه طول الزمان

و أحكي في كل مكان تقدر تقول رفيق أو أخ و أب كله طيبة و حنان

بس المهم مش إنسان ينساك مع الأيام

و في نهاية الكلام أقول لكم ... سلام 

 

أهم الاخبار