رئيس حزب الوفد

بهاء الدين أبو شقة

رئيس مجلس الإدارة

د.هانى سري الدين

رئيس التحرير

وجدي زين الدين

واتس آب الوفد.. قارئ يرسل قصيدة شعر بعنوان "حالة من الغروب"

المواطن الصحفى

الثلاثاء, 18 ديسمبر 2018 12:48
واتس آب الوفد.. قارئ يرسل قصيدة شعر بعنوان حالة من الغروبقصيدة شعر لمواطن "صورة أرشيفية"

 استمرارًا لتواصل القراء مع خدمة واتس آب الوفد "المواطن الصحفي"، أرسل القارئ سامح فكري رتيب، قصيدة شعر بعنوان "حالة من الغروب".

 إحنا ليه حياتنا دايمًا في حالة من الغروب

والعتمة بقيت ساكنة جوه العين والقلوب

نصرخ من وجعنا.. نصرخ من حمل الكروب

نفسنا نسيب حياتنا ونعيش دايمًا في هروب  

والدمع بيوجع ونار بتحرق في جرح القلوب

 والعين بتصرخ آه آه والعقل مننا مسلوب

هو إحنا ليه في حالة غروب

والليل حمل تقيل والقلب ما فيهوش لنور ثقوب

الحزن جوه العين والهم بيخبط على القلوب

والألم والمشاكل علينا مكتوب والحال دايمًا مقلوب

والفرح في حياتنا بجي مرة ومرات عنا يكون محجوب

وصبر أيوب نفد ما بقاش مرغوب وكأس المر جوانا مسكوب

وعايشين حياتنا بالمعكوس ودايمًا في حالة من الهروب

والحياة كلها كراكيب ما فيهاش نظام وما فيهاش ترتيب

والمشيب سكن الشباب والحياة دايمًا لشمس مغيب

وكل يوم من العمر بيجي كئيب والسعادة شيء في الغيب

والحياة أصبحت محطات للدموع والآلام والتعب ما يغيب

حرمتنا الأيام من الأحلام وعيشنا الحياة في عذاب

وحزينة كلماتنا يائسة وبينا وبين

الأفراح أقوى حجاب

وصرخة صامتة بتوجع وألم كرباج بيجلد في القلوب

والعين من كتر البكاء من الدمع جفت والحزن مكتوب

شعورنا بالضيق بيزيد والحياة بكل ما فيها علينا بتضيق

نفسنا نلقي لحياة بديل ولفرح والراحة نلقي الطريق

 والأمل عني بعيد والجرح الكامن جوه القلب لا يطيب

الفرح طريق عنه إحنا تايهين وكلنا في غربة ومين مش غريب

تايهين في السكة ونفسنا في طوق نجاة يكون مننا قريب

عايشين في غروب وكلنا عيوب ومين فينا مش معيوب 

نقول يا رب نفسنا نلقي الفرج شمس بتشرق بعد رحلة من الغروب

ونشوف بكره أحلى مليان فرح يسعد حزن القلوب

ونهرب من حياتنا حياة الغروب

والفرح اللي دايمًا في حالة من الغروب

أهم الاخبار